ISIS PAWL IH CHRISTIAN HREMNAK VIDEO HMAN ȚANGKAI ZUM

ISIS
Christian Rukru timi hi a tihnung um zet. Pathian lawng siloin milai khalin kan duh lo mi a si. Asinan, duh lo cingin kan tuah rero. Tuah lo a theih maw kan ti tikah,” a theih” ti bak a sangnak dang aum cuang lo. Tuitum cu 10% lam thu ka ngan tummi tla a si lo. Leitlun dan le Christian thuhla deuh sawn tawiten ngan ka tum.

Hi thu le hla hi,”Mi vekin ngan loin um sawn sehla a fim thlak sawn maw tivek ka ruah sungah luarpar kan kai rero ruangah mipahnih khat in țhathnemnak rak ngahtu kan um pangah ti duhthusam ih ngansan a si bik”.

Voi tampi hla ka ngai rero. Abik in Chin Gospel hla hi ka ngai tam. Video tape khalin tam zet ka ngai. YouTube khalin ka zoh țheu. A tuahtupawl cun rukru kan sinak kan theih lo ruangih tuah kan si dingah ka zum, lole zamrang ih tuahtheh lohli kan duh ruangah a si thei, designer idea kan neih lo ruangah a si thei tiin thuthum a suak. Thil le ri kan neih kim lo ruangah a si thei timicu a cang thei lo, neih le tawkin quality and quantity zetih tuah a theih ruangah a si.

Chin gospel hla khi zoh sehla Jesuh film lole a dang Christian hremnak khi tape pakhat ah telhlonak aum lo ti sehla kan sual tam lo ding. Himi hi rukru phunkhat a si. Thuthang printed editor pawl khalin cuvek thotho in mi ca an ru ih an rak suah ve. Aw pawlin O hmangtupa ih canganmi Aw in an rak thleng tivek khi a si.

Iphone company in samsung company billion tel a rak cawh dah. A cawhnaksan bik cu slideshow tuahdan in zir ti a si bik. Mirang hla pakhat ih bass solfa fangli an rukmi ruangah a rutu band in million tel an kuan. Calai thu khalah ca tlar khat ruk thu ah tampi cawhawknak hmuh ding a um. Hivekpawl hi mipi hnakin editor pawlin an thei lo sawn abang? Maw an thei na’n an thlun duh lo tla a si thei, thei nain tuah silo cu sual rapthlak a si. Curuangah ::

Tuih kan dinhmun kelih kan feh ngetngo hrih asi ahcun,” tuitum ISIS misualralpawlih Christian hremnak rapthlak video an tarmipawl khal Chin video director, editor hrangah thil remcang a si dingah zumnak a um”.

Peh leh dingmi” Mize bik hman in a zetnaksan le can a neihlonaksan rel ding cawk lo a nei ve, curuangah rukrutu khalin rel ding cawk lo a nei ve ding”.
By/ Salai Chinsuh

Comments

comments

Comments

%d bloggers like this: