ISIS In Bomb Puakter Dingin New York An Hring: US Beih An Tum

image

Leitlun tibaltu misual tulul ISIS pawl cun Leitlun mipi luunnak bik New York khawpi lailinak hmun ah bomb puahter an tum thu video an tilang.

Hi video hi New York ralkap thiam pawl, FBI le misual tulul pelthiam pawl in an zingzoi rero lai. An video tisuah mi ahcun bag khat ih bomb thawn thuam aw in New York, Time Square ah bomb ti puak dingin an hringhro.

An video hi a hlun mi a siih rintlaklo tiih rak titu khal an um. Asinan zingzoitu pawl cun a hlun a va si ah maw a thar a si ah maw hringhronak hi a um a si tiah an ti.

New York khawbawi Mayor Bill de Blasio cun mipi pawl thlabar tuk ih um lo dingin le an khawpi himdam ten palik pawl ih an kilhim ih misual pawl khal an pel rero lai tiin a sim.

Kan dung zarh lai hrawng khalah ISIS pawl in Washington DC bomb ih ti puak dingin hrinhronak an ti suak zo. ISIS pawl ih an bat bik mi le an tum bik mi pakhat ah US khawpi ih bomb ti puak ding hi a tel a si tiah CNN ih misual tulul pawl thuhla zongzoi thiam pakkhat cun a sim.#

– CNN

(Visited 869 times, 1 visits today)

Comments

comments

Comments

%d bloggers like this: