Iraq ram vote thla

By-Pu Khuang Lian Sum

Tui kandung tlawngkai ninga ah khan Iraq ram mipi pawlcun State tinkin ah roreltuding Provincial Council, thar hrilnak nei’n Vote an thla ih. Kumli sungih Iraq ram an hrilawk vawikhat nak asi. Hi hrilawk nakah hin Iraq ramih mitamsawn Sunni miphun pawlkhalin  Vote thazetin an thlakih. Hrilawk hmaisa ahkhan Sunni miphun pawlin Vote an thakduhlo ruangah Shia leh Kurdish pawlin Parliament ah thu neihnak an co asi. Iraq hrilawknak dingthu ah kandungah khan minung 3 kahthat an siih. himi hrilawknak ni khalah humhim naklam hi khohkhah zetih tuah an si. 

Tui kumcem zawngah Iraq ramhi Parliament hrilawknak a um ding ruangah. Tui Privincial Council hrilawknak hin Iraq ram Politics dinhmun hi tamzet a thlirlang thei dingah zum asi. Iraq ramah hin Vote nei minung  Million 15 hrawng an umih  tuihlan vekin ralthuam hriamnam leh thazang thawim buainak cu a um tuk nawnlo nan  fimkhur thilthu ah ramdangthawi pehzawm awknak lamzin pawlcu khar asiih. Baghdad khawpi leh khawpi dangdangah Curfew khal puan asi. Iraq ramih thihcilh Bomb tipuak theutu lakah nunau an teltheu ih Cu raungah himi vote thlahnak hmun khalha nunau hi nasazet ih check an si.

(Visited 51 times, 1 visits today)

Comments

comments

Comments

%d bloggers like this: