Iraq Ram Hrilawk Nak

Iraq Ram Hrilawk Nak

Relzo vekin kum 2003 ih US in Iraq a siim ih, Saddam Hussein ih Cozah an hlawnthlak ih sin  Iraq rampi hrilawk nak a voi 2 nakcu  mizan sunah an tuah ih, Iraq ram Parliament Member Seat 325 hrilsuak dingah a cuhtu Candidate minung 6,200 an umih, Vote thlak thei minung Million 19 hrawng an um. Hi an hrilawk nakah Vote thlaknak hmun  Center 8,920 a umih, Polling Satation 50,000 an tuah. Iraq ram minung ramleng ih um tu pawlkalin ram leng ram 16 ah Vote an rak thla veiih, Iraq ram minung ramlengih um  Vote thla theitu hi Minung Million 1.4 hrawng an um a si.
Hi an hrilawk nak tluangtei an tuah theinak dingah  Iraq ram Inn hnen Iran thawi an ramri lamzin pawlcu khar thluh an siih, Ralkap tamzet duty tu ah ret an siih, an ram khawpi Baghdad khawsungih lamzin pawlah Meter 50 dan ah ralkap Checkpoint an tuah vivo.
Hiti vekih kilhim nak tthazet an tuah vivo cingin  mizansun Vote thlak laiah Baghdad khawpi sungah Mortar ih kahawk nak hmun 20 lenglo a thleng thotho ih, Minung 7 an thi. Cumi ih hleiah Bagdad khawpi saklam ah Bomb a puak ih minung 12 an thi. Hi Mortar kapsuak tu pawlin  Prime Minister, Office  Green Zone leh US Embassy an bat deuhbik tiah Palik pawlcun an sim.

PM Gordon Brown in Iraq An Do Nak A Dik A Ti

British Prime Minister, Gordon Brown cun kum 2003 ih Iraq ram Saddam Hussein ih Cozah ralkap cahnak hmangih an hlawn thlak nak cu thutluk nak dik a si tiah a simih, PM, Brown ih thusim mihi mitam pi cun an sawiselzet. PM Brown cun kum 2003 ih Iraq an kahnak thuhla ah,  khami laiih British Prime Minister, Tony Blair a siih, ziang tivek in ruahman nak a nei tithu cipciar ih a theihlo thu khal a  sim.
PM, Brown cun khami laiah a mahcu Finance Minister, a siih, Iraq ram an do nak hlawhtling dingin sumpai a pek tamthu a simih, PM Tony Blair ih Cozah nak hnuaiih  Finance Minister Chancellor of the Exchequer a si vekin a theih dingih tulmi thu lawng a theih thu a sim.

US Par Ah Turkey A Lung Awi Lo

US rorel nak Inn sang Congress in Leitlun ralpi a voi 1 nakih Turkey ramih Armenia mipawl an thah dancu  Armenia mipawl thah cimit tumnak a si tiih, an ngaihdan an suah ruangah US parah Turkey Cozah a lung awilo zetih, Turkey Prime Minister, Recep Tayyip Erdogan cun  US Congress pawlih ngaihdan cun Turkey leh US ram pahnih karlak ih rualrem awknak leh pehtlaih awknak a ti siat ding a si a ti ih, US ramih Turkey palai khal an ko tlungsal cihzo.
Turkey ramhi Muslim ram pawl lakih US ih rualpi thabik ram asiih, tui US Congress in hivekih ruahnak a neih ruangah Iran leh Afghanistan ram tiang hngawng a neih zum a si tiah BBC cun a sim. Tui Iraq ram ihsi US ralkap pawl an laksuak nakding khalah Turkey ram hi an lamzin pawimawh bik a siih, Cu ruangah tui US House Foreign Affiars Committee in Turkley thiti dan a sawsel ruangah Turkey thawi an karlak ah rualrem awknak lamzin a hawlsal a ttul dingah zum a si.
Himi thuhi Turkey Cozah cun leitlun rapi voi 1 nakih thah awknak a thlen thucu a phalo ih, Asinan  Armenia Kristian leh America mi pawl tumtah bik vekih  US Congress in thu ruahnak a neih micu thildiklo a si tiah  Turkey Cozah cun an ti.
Himi laiah Armenia  ram Cozah cun  US Congress ih ngaihdan  an tuah micu lungawi umza thildik a siih, minung diknak leh zalen nak kilhim nakdingah lamzin pawimawh a si an ti.  leitlun ralpi a voi khatnak laiih Turkey ramih roreltu Ottaman Empire cun  Armenia ram mipawl tampi a rakthatih, hihi ram 20 lenglo in Armenia ram mipi thah cimit an rak tumnak a si tiah tutiang ruahnak an neiih, tu ah cun US Congress khalin  himi ruah nak hi a thlawp ve sal ruangah Turkey leh US ram pahnih karlak pehtlaih awknak hi a se deuh dingah zum a si.

Tipi Thuanthum Parah Vur in Lawng A Kham

Swedan ramsung Baltic tipi thuanthum parah lawng 50 lenglo cu Vurtum hlumpi in a kham haiih an tarta haklai ih, himi sungah lawng 4 cu runsuah an sizo. Vurtum hlumpi in  a khammi lawng tamsawn cu Stockhlom leh Aaland tikulh karlak ah an tartahak laiih, Bay of Bothnia khalah Lanwg ziangmaw zat an tarta hak lai.
Hi Vurtum hlumpi pawlhi nuam tete ih an cang rero ruangah lawngpawl hrangah ttihnung asiih, Curuangah Swedan leh Finland ram Cozah cun Vurtum sutkuai nak thilri ziangmaw zat kengin runsuah nak hna ttuantu ding an kuat lai rero. Baltic tipi hi a liamcia kum 15 hnu lamih a daihbik ttum asiih, Tipikhal a khang thluh ih, Vurtum tuum zetzet an um
Asinan  khami laiih, British ralkap hotu, Lord Chorles Guthrie cun  khami laiah  Gordon Brown cun sumpai a ui zetih,  ralkap hrangih thil ttul pawimawh kandil mi hman duhvekin- in pe hlawhtling fumfe theilo a ti. Iraq ramah British ralkap 179 an thiih, Iraq donak ih British in sumpai a cem  mizat hi Pound Billion 8 hrawng a si tiah ruah a si.
British Parliament hi tuikum May thla hrawngah khin hrilawk nak an neih zum a siih, tui dinhmun ih British ram Politics umdan zohtu pawlcun  Party pakhat in Parliament ah Cozah tuah theiding khawpih cak an umlo menthei tiah zumnak sangpi an nei, Curuangah tui PM Gordon Brown ih thusim mileh ttongkam hin  an party hrangah umzia tampi a nei ding a si.

NPA Tapung Leh Philippine Ralkap Kap Aw

Tihni sunah khan  Philippine ramih Tapung New People’s Army (NPA) pawlleh Philippine Cozah ralkap pawl an kapaw ih  Philippine ralkap,11 an thiih, ralkap 7 in hriamhma an tuar.
Hi Philippine ralkap pawlhin an ram Mindoro tikulh ih NPA Tapung pawlih umnak Camp siim an tumih, NPA tapung pawlin an rak theihthup ruangah lamzin ihsin an rak bawhih  an rak kap a si. Philippine ralkap thupaungtu, Colonel,  Romeo Brawner in a sim nakah ralkap pawl khalin zamrang zetin an kap let venan Tapung pawlih umhmun khuarnak a rak tthacia tukzo ih, Curuangah   nazi pathum sung an kahawk hnu ah an ralkap 11 an thi tiah a simih, Tapung Pawlkhal mitam piin hriamhma an tuar ve ih, tu ah ralkap dang tampi in Helicopter thawn an dawi lai a ti
NPA Tapung pawlhin Member 5,000 lenglo an neiih, kum 1969 ihsin Philippine ram Cozah hi an rak dozo a si.
(Visited 45 times, 1 visits today)

Comments

comments

Comments

%d bloggers like this: