Iraq Ram Hril Aw Ding

Brazil in Iran Hrem Tum Lo

Mizan sunih  US Secreatray of Sate, Hillary Clinton leh Brazil Foreign Minister, Celso Amorin in Brazil ram kahwpi Brasilia in thuthangca latu pawl an kom tlang nakah Brazil Foreign MInister, Celso Amorin cun Iran in Nuclear thiri a tuah  ruangah Brazil cun hremnak a pek velo ding thu  US Secreatary of State, Hillary Clinton ih hnen ah a sim.

Brazil Foreign Minister cun  Brazil cun a mai ram tthat nakding a zoh hmaisak a ttulih, Cu ruangah US ih nawrnak men ruangih Iran hremnak pekding cu Brazil hrangah thil theih a silo tiah a sim.

Tuihlan ihsin  US Secreatry Of State, Hillary Clinton in Brazil cu Iran hremnak pe ve dingih a rak nawr rero zo ruangah a siih,  Hillary Clinton cun  Brazil hi UN Security  Council  Member ram a si ve ruangah Iran ram hremnak ding thu ah Brazil ram ngaihdanin umzia a nei zetdingih UN Security Member ram pawl ttangtlang ih hremnak pek a si ah cun  Iran thawi biakawk nak khalah umzia a nei ding a si a rak tizo

Hillary Clinton hin  Iran Nuclear thuhla ah Brazil President, Luiz Inacio Lula Silva khal mizan sunah a kawm thotho ih, Brazil President, Silva cun Iran in a Nuclear thiri neih mi pawlcu Electric Power tuahnak ih a hmang taktak ding a si ah cun hremnak pek ttulih a hmuhlo thu a simih, tuidin hmunah Iran hi pawngpa nawrih nawr a duhlo thu khal a raksimih, Brazil ram tthat a duh vekin Iran ram tthat khal a duh thu a sim.

Iraq Ram Hril Aw Ding

Iraq ram lalpa Saddam Husein  an hlawn thlak hnuih an rampi hrilawk nak a voi hnih nakcu tui colhni tipsun March 7th 2010 ah khin an nei dingih, hi an hrilawk ding ni ih Vote thla manlo ding minung 600,000 hrangcun mizan sun ah Vote hi an rak thlak ciazo a si.Hi Vote rakthla ciazo tu pawlhi damlo sizung ih um leh hrilawk nak ih Duty ding ralkap leh Palik leh Iraq Cozah aiawh in ramdang ih hna ttuan pawl an si.

Saddam Husein  an hlawn thlak hnu ihsin  Iraq ram Cozah thu neihnak tamsawn cu US thu neihnak hnuai ih um a siih, tu ah cun  US in Iraq ram a suahsan thlangding ruangah  an ram Parliament ih thu neihnak cu an mehte  an tawlrel awk a ttul thlangding a si,

Tui ttum an ram Parliament member hrilawk nak ding khalah hin  Parliament ih theu neih nak sang leh dinhmun sang cuh aw in  Sunni Muslim leh Shia Muslim pawlhi an buai ringringih, tuittum an hrilawk nak ding buaipi tu Independent High Electoral Commission hotu Karim al- Tamini cun buainak leh harsat nak umlo ih tluangte leh thianghlim   zetih hrilawk nak an tuah thei a beisei thu a simih, kilhim nak lamkhal ttha zetih tuah an siih  khawpi deuhdeuh leh hmun ttihnung deuh nak hmunah   ralkap leh Palik lamzin tluanih an ret thluh thu khal a sim.

China Ram Kil Him Nak Ding Paisa Tam

China ram Parliament Thupuangtu, Li Zhaoxing in thuthangca latu pawl hnenih a sim nakah, tuikum sungih China ram kilhim nakdingih paisa an ruahman micu dollar Billion 77 leh Million 900 a si thu a sim.

China ram kilhim nakdingih China Cozah in sumpai a ruahman mihi nikum hnakin tuikum ah 7.5% in a tamih, Curuangah leitlun ramdang pawlin an ngaihven zet. Li Zhaoxing cun himi paisa hi ramdang donak dingah leh midang hnaihnawk nak dingih ruahman mi asilo ih, China ram zalen nak leh China ramri kilhim nakding a si tiah a sim.

China in a ram kilhim nakih sumpai hi zatzat a ruahman nak sanhi US cu ziangruangah timi leitlun theih ih felfing dingin an nawr.

(Visited 29 times, 1 visits today)

Comments

comments

Comments

%d bloggers like this: