Iraq Ram Bom Puak Ruangah Mi 53 Nunnak Liam

Syracuse.com, BBC, VOA | January 16

Iraq ram, Karbala khawpi ah January 15, zarhteni ah thihcilh bom puah a si ih mi 53 in nunnak an liam thu Iraq thuneitu pawl cun an rel.

Bom puak zingzawitu pawl cun Shiite musilim, biaknak lam ih serhsang a simi khualtlawngveivahnak Karbala khawpi ih nei rerotu pawl cu a bikih thahtum ruangah bom puah a si thu an rel.

Hi bom puak ruangah mi dang 130 lenglo in hlimhma an tuar phah ih Karbala khawpi ihum khualtlawngveivak pawl zohhliahnak hmun (police checkpoint) ah ti puah asi ruangah mithi le hliamhma tuar an tam thu khal an rel bet. Nunnak liamtu lak ah security 7 khal an tel ih zopawl ih tipuah a si ti cu theih a si hrihlo.

Iraq ram ih Shite musilim le Sunni musilim lak ah buainak a rak um ringring theu ih US ralkap pawl in an ram an suahsan hnua ihsin hivek ih doawknak a um tam phah thu khal thuthangca in  a tarlang.

(Visited 44 times, 1 visits today)

Comments

comments

Comments

%d bloggers like this: