Iraq Ram Ah Thah Awk Tam

Mizan sunah khan Iraq ram saklam  ih ralkap umnak hmunpi cu Al-Qaeda ih zummi misual pawlin an kap ciamco ih a hmunah ralkap  13 an kapthat ih,  mizan sunih  Iraq ramsung hmun dangdangih  buainak suak ruangah minung  91 thah an si. Palik pawlin an sim nakah mizan zing khawvang zawngah khan misual pawlin Motor 3 hmangin  Udaim, khua hi an lutih ralkap hmun leh civil mi pawl cu meithla in an kap ciamcocih tiah an sim.

Himi an buainak hi tui kandung naite ah khan Al- Qaeda hotu Abu Bahr al- Baghdadi in Al- Qaeda pawl an fimkhawm awknih an cah vivo thu  asimih khami thukha a tak a si timi langfiang ter nakih Al- Qaeda pawlin an tuahmi asi zum a si. mizan sun thotho ah Baghdad khawpi ih  Sunni Muslim pawlih umnak  Taji khua khalah minung 24 thah an siih, minung 172 in hriamhma an tuar.

Baghdad khawpi sungih  Shia District sungah buainak hi a suak tambikih, Cozah zung pakhat ih  Car Bomb puah miah minung 12 an thiih Kirkuk khua lawng hmanah mizan sunah Car bomb hmun 7 ah a puak, tihni sun khalah  Baghdad khawpi thlanglam ah  bomb hmangin minung 17 thah an si, tui kandung June thla sunglawngah Iraq ramah minung 237 thah an si.

(Visited 76 times, 1 visits today)

Comments

comments

Comments

%d bloggers like this: