Iraq ah ralpi a cem

Kan dung tlawngkai nihnih ni ah Iraq prime minister Nuri al-Maliki cun US hruainak thawn Sunni ralkap uknak le Shia tapung pawl cangvaihnak cu cemter a si thlang tiah a phuang. US vice president Joe Biden cu tlawngkai nikhat ni ah Iraq ram a thleng ih, Iraq ram ih ralpi a cem thu a sim. Kan dung August 31, 2010 hlan ah US cun Iraq ram ih ralkap tam sawn cu a kuat tlung zo ih, a tanglaimi ralkap 50,000 khal hmai kum 2011 kum cem hlan ah an tlung thluh ding ti a si. US in 2003 ihsin Iraq a donak ah tuni tiang US ralkap 4,400 le Iraq ram sung mipi (ralkap tel lo) mi 100,000 lai an thi. Ral donak ih cem ral zat cu US$ 10 billion  lai a si ih, 2009 ihsin US cun Iraq cu mahtei’ uk awk dingin a forh na’n dodalnak a um ruangah tuni tiang kilhimnak tuanvo a lak thu a sim. Nuri al-Malaiki cun, ‘Tu ahcun US le Iraq cu politics thuhla ah bangrep kan si ih, democracy in nehnak a co zo’ tiah a ti. Asinan US cun Iraq ram ah thla (16) sung lawng an um ding ruangah a tanglaimi ralkap pawl cu ‘hmanrua le thilri thabik thawn’ Iraq kilhim dingin a ret tiah Joe Biden cun a simfiang.

A dang siar bet

(Visited 99 times, 1 visits today)

Comments

comments

Comments

%d bloggers like this: