Iran Ram Ih Ni 287 Sung Thawngtla Nunau Nu Luat Sal Zo

(Worthy News)

Shahla Rahmati

Shahla Rahmati cu December ni 20 ah thawnginn sung ihsin a suak sal zo(thawnginn ni thla siar daan ahcun ni 287 a rei) . Iran ram sungih Khristian cangvaihnak ruangah Shahla cu March 9,2011 ah kaih a si. Thla nga sung thawinn sungih khum a si hnu ah su le si tama (drug a ddicts) pawl hnenah inn sungah khum sal a si.

Tu vek thawnginn ihsin a luat salnak ruangah a innsang pawl cun leitlun huap ih Khristian pawl hnenah lungawi thu an sim rero. Asinan, Khristian nunau dang pahnih thawnginn sungih a tang lai mi hrangah Iran Khristian pawl cu a thin a phang ringring lai. Hih Khrstian nunnau pahnih thawng a tla mi hi Islam biaknak ihsin Khristian biaknak an thlun ruangah a tu vekih kaihkhih an tonnak a si. Mitra Zahmati hi kum hnih le hrek thawng thlak ding a si ih, Maryam Jalili cu ziangtik tiang a tla ding ti a fiang lo.

Iran ram sungih khaw dangdang khalah Muslim ihsin Khristian a luttu pawl in kaihkhihnak an tong ringring. Farshid Fathi-Malayer (Khristian hruaitu) khal Khristmas puai an tuah laiah kaih a si ih, tuih ni tiang a luat hrih lo. Hmun dangdang khalah Pastor le Khrisstian tampi pawl cu Muslim misual pawl ih hmuhsuamnak le Iran acozah ih kaihkhihnak an tong ringring.

Iran ram ah Khristian pumpe zetzet mipum 100,000 lenglo an um. Anmah hi hlan lai ahcun Muslim mi an si nan, Khritian zumnak / biaknak ih luttu pawl an si. Iran ram ih 78 / 98 (sawmkua pariat sungih sawm sarih le pariat) cu Muslim an si ti’n U.S. Central Intelligence Agency (CIA) cun a phuang.

(Visited 73 times, 1 visits today)

Comments

comments

Comments

%d bloggers like this: