Iran ram Ih American Pastor January 21 Ah Court In A Thurel Ding

saaed-abediniTEHRAN : Iran ram ihsin US ih vai, US ram sinak neitu Pastor Saeed Abedeni cu, US ihsin a sungkua pawl tlawng ding ih Iran ram a tlawn lai ah, Iran cozah cun a rak kai. Cumi thuthawn pehpar in, a sungkua le midang dang khal in thu an hliakhlai rero nan thuthang dang zianghman theih ding an nei hrihlo.

A netabik ih thu theihmi cu, January 21 ah, hi pastor hi thuthennak zung ah a thu relsak asi ding. Iran ram a umlai ah, Muslim pawl Christian ih hruaitu, ram phatsantu tivek pawl thawn a tlun thu hi relsak ding asi. Abedini cun, “In kaih ih an simmi cu, reilote ah na nufa na hmu ding ih, Christmas khal nan hmangtlang ding in ti.

Asinan, a tak ih ka hmuh mi cu “Na zumnak le Jesuh Khrih na phatsan lo ah cun kan lo khaithat ding” timi asi” ti in asim. Pastor cun a nupi hnen ah ca a kuat ih, cutawk ih a nganmi cu, “Nitin deuhthaw in harsatnak in pe, in hrem nasa. Lehhnu ah thiding in ka thu an rel mai thei. Khrih hrang riantu tha si ka duh asi” ti in a cakuat ah cun a ngan.

Comments

comments

Comments

%d bloggers like this: