Iran Ram Hril Aw

Iran ram President hril nakcu mipi in Vote an thlak lai rero ih , Tui ttum Iran ram President hril awknak ih cuhtu minung pali pawlcu  President tuanlai tu Mahmoud Ahmadinejed,    Prime Minister hlun,  Mir Hossein Mousavi,    Mohsen Razai,   leh Mehdi Karraubi  hite pali hi cuh aw ding an si, Iran ram danpi dinglai ah President hril nakah  mipi Vote hmutam bik kha President ih tling a silo ih mipi Vote 50% hmuban lawng President ih tling a si.

Cu ruangah tui ttum Iran President hril awknak ah hin  Candidate pali an um ruangah  mipi vote 50% hmuban an um dingah  zum a um lo ih cu ruangah  Candidate pali sungih mipi vote hmu sangbik mi pahnih kha  an cuh aw sal dingih cumiih vote hmua tam sawnsawn kha  President ih tling a si ding. Hrilawk nak Campaign a cemnak ih mipi hmaiih thu a sim nakah President Mahmoud Ahmadinejed cun a mah cuhtu pawlcu Israel ram thuhla thawi pehpar awin thu phanthu ih a mah ti hminse tum ah a puh.

Tui tum an hril awknak ah hin President tuanlai ti Mahmoud Ahmadinejed leh  Mir Hossein Mousavi cu do aw tawkzet dingih zum an siih. Thingtlang mipawl leh mi rethei pawlin tui President tuanlai tuhi an duhsawn ih,  Mi rualran deuh leh cathiam leh Nunau pawlin   Mir Hossein Mousavi an duh sawn thung. US thawi Nuclear thuhla ih biak awk an tummi khal an hril awknak an theh hlan ah cun ziang thuhman an rel theilo dingih, Tui Iran ram  President hril nak Result hi US, Israel leh Europe ram pawlcun an ngaihven nasa.

(Visited 40 times, 1 visits today)

Comments

comments

Comments

%d bloggers like this: