Iran Ram Buai Nak – i

Iran ram President hril awknak ih  Result pawmlo tu Opposition pawlih buainak cun zia umlam panthei cuanglo in buainak sosang in lamzin tluang a zawh vivo laiih minung 7 an thizo.

Hiti vekih buainak a sosan vivo naksan hi Mipi lungawilo pawlin  Cozah hmun pawimawh leh palik umnak inn pawl an siatsuah ruangah a si tiah BBC Correspondent,  Jon Leyne cun a sim, Hi Buainak tuahtu mipi pawlcu Uniform hruhlo meithal keng pawlin Inn sawngsang parih sin an kap ciamco ih minung 7 an thih ih tlunah midang tampi in hriamhma an tuar a si a ti.

Opposition hotu bik Mousavi cun himi ruangah an buainak leh an thil tuahmi bansan an tumlo thu a sim ih tuizan lamih sin lamzin zawh an thawksal dingthu a sim. Tui tum Iran buainak hi a liamcia kum 30 hnuih buainak tumbik suah ttum a si. Himi laiah tui an hril tharsal mi President tuansal tu Mahmoud Ahmadinejad cu Russia ram Regional Summit tel dingin a feh ih Russia ram panih a fehhlan khalah  an ram buainak thu ah zianghman thusuah nak a tuahta lo.

Tui Iran ram buainak thu ah US President Barack Hussein Obama cun  Iran ramcu mahte uk aw mi ram a siih a zah umih  Iran ram sungbuai nakih rawlh awk leh ziangih thu hman rel a tumlo thu a sim ih Iran ram sungih rualrem awknak a um theinak dingah Islam biaknak hruaitu pawlcu a thabik dingih hna an tuan a duhthu lawng a sim.

Himi laiah mi tampi in Iran buainak ruangah US Vice President leh leitlun ram dangdang hruaitu pawlin dikzet ih thilti dingih an ngen rero lai ah  US President in zianghman rawlawk leh tongkam a thlak duhlo hi ziang ruangah asi pei timi thusuh nak tampi a um. US leh Iran hi Nuclear thuah  dodal awzet mi an siih, tui Tum Iran buainak ah  an President an duhlo nak leh  an hril awknak Result an duhlo mi lawng silo in  Iran ramhi  Islam biaknak thuhnuai ih umter ringring an duhlo ruangah asiih cumi ah  US President Barack Hussein Obama  a ngaidan zianghman a rel suak duhlo cu ziangruang ah si pe ti cu thusuh awknak tumpi a si tiah an sim.

(Visited 45 times, 1 visits today)

Comments

comments

One Comment

  1. zang fah tein Delhi nan um dan thuan thu tawi in na ngan thei pei maw?

Comments

%d bloggers like this: