Iran President Mahmoud Ahmadinejad Cak Sal

Iran ram President hril awknak ah President tuanlai Mahmoud Ahmadinejad cu hril tlinsal a si.Asi nan a mah cuhtu Mir Hossein Mousavi leh a lam tangpawl cun  an hril awk danih thil fello a um ruangah an hril awknak Result an pawmlo ding thu an sim.

Iran ramah hin Vote nei minung Million 42 an umih, Vote nei minung ziang mawzat cu Cozah in Vote thlak ter a singlo tiah  Mir Hossein Mousavi ih lamtang pawl cun an sim.

Opposition lam pawlcun  hi an hril awknak hmunah Cozah pawlcun  Opposition lampawl Vote thlaknak hmunih fehter an singlo tiah a simih, BBC Correspondent khalin Iran ram Cozah in Opposition lampawlih thuthangca suahkhal an sianglo ih BBC Websiite khal Iran ramsungih awn an sianglo tiah a sim. Himi laiah mitam picun  President thar lungawi pi in an lam duahdo ih Opposition pawlcun an hril awknakih result an pawllo nak langter in lamzin an zawh rero ve.

Himi ruangah buainak a suak ding phangin an khawpi Teheran ah cun Palik leh ralkap tamzet Duty ter an si. Iran ram President hril awk hi ram dangdang pawlin an ngaihven  nasa ih  President  Mahmoud Ahmadinejad hi  Nuclear ralthuam thu leh ramdang thawi pehtlaih awknak thu an Tongkam khermei  a tongsuak tamzet theu ruangah ramdang hruaitu tamzet in an ningzet.

(Visited 33 times, 1 visits today)

Comments

comments

Comments

%d bloggers like this: