Iran President In Rin Umnak Thutiam La Ding

Iran President In Rin Umnak Thutiam La Ding 

Iran ram President ih an hriltlin salmi Mahmoud Ahmadinejad cu tipsun ah President rinum nak thutiam lakter a si dingih. President ih nemnget a si nak pawmpi nakca khal an ram hotu bik Ayatollah Ali Khamenei in tuisun ah a hlanfel a si. 

Himi laiah an ram hruaitu pawimawh ziangmaw zatcun President Mamoud Ahmajinejad hi pawmharsa an tiih, Himi President pawmnak nemhnget nakca hlanawknak khawmnak khalah an ram President hlun  leh Cuardian Council hotu silai Akbar Hasheni Rafsanjani a tello ih  President hlun thotho Mohammed Khatani leh Opposition hotu Mir Hossein Mousavi khal an tello.

Corazon Aquino Thlah Tu Tam 

Relzo vekin kandung tlawngkai ni 5 zanih rilpi cancer natnakih thi Philippines ram President hlun  Corazon Aquino ih ruangcu tuisunah Manila ih Catholic Cathedral panpi a si laiah mipi thawng 30 laiin lamzin tluanah tlaraw in an President hlunih ruanghi an thlah a si.

Tuisun ih Manila khawpi ih thil umdan cu  kum 1986 ih an ram hruaitu Ferdinand Marcos an hlawmthlak ih  Corazon Aquino President ih an hrilthar nivek a si.

 Corazon Aquino ih ruanghi an phurlai ah a mah ngaisangtu leh duhdawttu minung thawngtampi cun mitthli thawng a mai hminsalin an ttapih  tlawng Inn leh Office pawlkhal suahsan ih baloon mawi phunphun kengin lamzinpi tluan an luahkhat zet a si. 

Afghanistan Ram  Bomb Puak 

Tuizingah Afghanistan ram ih khawpim pakhat Herat ah Bomb a puakih minung 12 an thiih  midang 20 lenglo in hriamhma an tuar.

Palik bawi Esmatullah Alizai in a simnak ah hi Bomb hi lamzinsir hnawmhne lakih kammi a siih, Palik Duty pawlin himi hmun an tlanliamsan zikzawngih  puakmi a si a ti.  Palik thupuangtu Raouf Ahmedi cun himi bomb cu remote ih hmehpuahmi a siih, Mithi lakah palik 2 leh nunau ziangmawzat leh nauhak khal an tel tiah a sim. 

Afghanistan ramah hin buainak phunphun Bomb puakleh  thah awknak hi a tamzet nan an ram thlanglam  Haret hicu a him bikih ruah mi a siih misual Tapung pawlhin an ram saklam khawpi pawlhi an bat deuh theu a si.

A sinan tu ah cun Haret ah bomb a puah voikhat nak a si. BBC in a simnak ah tui bomb puahnak hmunhi  Iran ramih kuatdingmi thilri an ret khawmnak theu hmunpi a siih Iran ram hranga thilpawi zet a si tiah a sim. Himi Bomb an tipuah naksan hi tuithla ni 20 ih Afghanistan ram hrilawk nakding duhlo tu pawlih buaiter an tumnak asi ding tiah zum a si.

(Visited 58 times, 1 visits today)

Comments

comments

Comments

%d bloggers like this: