Iran Pastor Saeed Abedini Cu

saeed_abedini_620x350TEHRAN : Iran mi, American sinak neitu Pastor Saeed Abedini cu Iran thuthennak zung cun khaithat ding in a thu an relcat sak. Cun, US $ 116,000 pek thei asi le can reilote sungah suah asi ding ti in court cun thusuah a nei nan, himi cu leitlun media pawl ka huptu ding men ih Iran cozah in an timi asi ti in Christian thuthang hrekkhat cun an sim.

Pastor nupi, Naghmeh Abedini cun, “The Revolutionary Court cun paisa pek cun suah a theih ding ti in thusuah a tuah nan, paisa kan va pek leh tik ah, court cun in siangsallo asi. Kan pa thuhla an suahmi cu lehnak (game) pakhat vek men asi. Kan lungawi mi pakhat cu, kan pa hin thuthentu hmai ah, anih hi ramthu ih hnatuantu asi lo thu le, Bible hmang in Jesuh Khrih thluntu asi thu a sim ngah mi hi asi” ti in BosNewsLife ah asim. Hi pastor thuthennak tuahtu Pir-Abassi hi, Christian mi tamtak khaithattu asi ih, mi tamtak cun “Hanging Judge ( Mi khaithattu thuthentu)” titian in an ko asi.

Ram dangdang ihsin pastor pa ih thuhla ah Iran cozah cun thaten thu a ruah a tul ti in an sim ve hai. Tu ah khawitawk ah an ret ti an theilo ih, 24.1.2013, Tlawngkai Nili Ni ah khan a sungkua pawl in veh an tum ih, thawnginn kiltu pawl cun a umlo thu an rak sim ih, khawitawk ah a um ti an suh tik ah a umnak an theihlo thu an rak sim. Tu ah hin pastor hi khawitawk thawnginn ah a um ti theih asi lo.

(Visited 177 times, 1 visits today)

Comments

comments

One Comment

  1. A vapoi theive aw……..
    Asinan Jesuh hnen ah a cawl sawn ding tin kanruat sawn pei
    Thlacam sak cio uhsi…….Zumtu pawl in

Comments

%d bloggers like this: