Iran Kap Ding In Israel An Tim Tuah Aw

VOA | January 25

Israel cun Iran Nuclear ralthuam hmun pawimawh pawl ralthuam ttihnung hmangih kahsiatsak tumin tintuah awknak a nei rero tiah theih a si.

Himi thuah Israel hin kum 60 lenglo a rualpi thatzetmi US khal simtheih tumlo in timtuah awknak a nei tiah theih a siih, US President hrilawknak dingah Israel ram hotu pawlcun Obama hriltlinsal a si thei nak dingah America ram sungih Juda um pawl khal Obama Campaign bawm dingin an duhih , Asinan Iran Nuclear kahsiat ding thuah cun Isreal hin US rawn a tumlo.

Isreal Defence Minister, Ehud Barak cun an thil tum mihi a taktakih an tuahding caan khalah US hi nazi 12 hlan ah cun sim an tumlo thu US Joint Cheifs of Staff Chaiman, General Martin Dempsey ih hnen khalah a rak simzoih, Isreal Prime Minister Benjamin Natanyahu khalin himi thuhi President Obama henah a simzo nan an kah danding leh an tumtha dan famkim cu an sim cuanglo.

Iran Nuclear ralthuam hmunpi kapsiat tu dingah Isreal Cozah in ziangvek ralthuam leh ziangvek ralkap a hmangding timi theihfiang nakcu a umlo nan Israel ralkap tha cungcuang 35th Paratroopers Brigade an timi pawlcu hmun hlapi ih hna pawimawh ttuan dingin  raldo thiamnak Trianing thazet an zirter rero zo tiah theih a siih, Iran Nuclear ralthuam kapsiat tu ding khalah hi ralkap ttha cungcuang pawlhi an hman zum a si.

(Visited 93 times, 1 visits today)

Comments

comments

Comments

%d bloggers like this: