Iran In US Mawngtu Nei Lo Vanzamte Kapsiat

Iran ralkap ṭuanvo neitu pawl cun US ih mawngtu nei lo vanzam cu Gulf tipi ih an van ramri sungah an kai thu an puang. Revolutionary Guards, Naval lamih thuneibik pawl, hruaitu  Rear Admiral Ali Fadavi ih simdan ahcun a cuih mawngtu nei lo vanzam cu kan dung naite ah Gulf tlun ah a zam reromi a si a ti.  Asinan US Navy cu hihi Middle East ih a ummi a siih, Gulf tlunah a zam lo tiin a eel. ScanEagle mawngtu nei lo vanzamte hi a thla pi 10 (10ft, 3m) a sau ih, a man olte, hmunhlapi zam thei dingin Insitu company ih tuahmi a si.

Bahrain ih um US Naval Forces Central Command ih tongkhuan ngahtu cun, “US Navy in Middle East ah vanzam thil zingzoi dingah kan thlah tikah fimkhurten ka thlah, Iran ram hrangah kan thlahmi a si lo. Leitlunpi vanzam zamtheinak hmun lawngah ka thlah ṭheu. Atu baite ah ScanEagle a siat thu record khal kan nei lo,” tiah a ti. Hivek US vanzam RQ-170 Sentinel khal kan dungkum ah Iran in an kapsiat dah zo.

Kan dung November thla ahkhan Iran palai Mohammad in United Nations Secretary General Ban Ki-moon hnenah US in Iran vantlun ramri parih duhduh ih an tuahmi thawn pehpar in ca a ngan dah. Culai ah Bushehr power station kiangih US ih vantlun thiltidan pawl hi daan a si lo thu a sim. US cun vanzam cu a kapsiat taktak ahcun pesal ding a dilmi cu Iran in a duh lo. Atufang hi US le Iran karlak ahhin Iran ih nuclear an tuahmi ruangah thubuai neuhneuh a tamzet.

Comments

comments

Comments

%d bloggers like this: