Iran in Siir Awk Nak Malte A Nei

Israel Prime Minister, Benjamin Natanyahu cun US President, Obama thawi an komawk nakah  Iran in Israel ralkap leh ralthuam cahnak hmaiton a duhlo a si ah cun siirawk nakcan malte lawng a neilai tiah a simih, Iran in a Nuclear ralthuam tuahmi bansan dingih an nawrnak a bansan duhlo a si ah cun  Israel cun a ram leh a mipi pawl humhim nakdingah diknak covo a nei ih,  Isreal ram mipi humhim nak dingah  Israel Cozah cun ralkap cahnak hmangdingin a kutzam a muanglo ding a ti.

Israel Prime Minister, Benjamin Natanyahu cun  Israel Cozah cun  a ram mipi pawl ningttih leh thlaphang ih umter ringring hi a sianglo ih, Israel himnak cu Iran in a siatsuah dingkhal Israel Cozahcun rem a  tilo a si  a ti. Israel Prime Minister, Benjamin Natanyahu cun  Iran Nuclear ralthuam tuahmi bansan dingih ram dangdang in an nawr nakcu  Israel khalin a zoh in a thlingthla ringringih, Asinan himi thuhla  ziangvek a si ding timi hngah ringringcu Israel cun a tumlo ih Israel siatsuah tumtu pawlih duhdan cu Israel in ti hlawhtlin ter a tumlo a ti.

US President, Obama cun Israel in Iran kahmai a tumnak thuah  ram dangdang in Iran hremnak an pekmi ih rahsuak ziangvek a si timi hi zohfiang hrihta sehla a duhthu a simih, US leh Israel rualpi tthat awknak leh pehzawm awknak cu  bawhcat theihlo hri vekih ttang a siih US cu Israel lamih a ttan ringring ding thukhal Obama cun a sim.

(Visited 70 times, 1 visits today)

Comments

comments

Comments

%d bloggers like this: