Iran in Saudi Arabia Leh US Puh

Iran in  Saudi Arabia Leh US  Puh
 
Iran Foreign Minister, Manouchehr Mottaki cun an ram Nuclear Scientist, Shahram Amiri ruhlo tu ah  US leh Saudi Arabia  a puh. Iran Nuclear Scientist Shahram Amiri hi Iran Atomic Organization ih mi pawimawh zet pakhat a siih, Saudi Arabia ramih Muslim sakhua biaknak khawm nakah telve dingih feh nakah ruk hlo a si.
 
Iran Foreign Minister, cun himi thu ah US cu a rolh aw tengteng dingih a zum thu a simih, Shahram Amiri ih sungte pawl leh Iran mipi pawlih thin natnak theih thiam sakin hi an mi rukmi pahi suah dingin US cu a phut.
 
Iran Foreign Minister, Mottaki ih thusim mihi Islamic Republic News Agency in an ti suakih, hi Scientist Shahram Amiri thu ih tlunah tui kandung naite ih Geargia ramih an kaih mi Iran rammi Amir Hossein Ardebili ih thu khal reltel in  Ardebili khal suah zamrang dingin US cu phutbet ih US in ralthuam tolh ru ih an puh nakcu zum tlaklo phuahcawp leh puhmawh ding hawlnak men a si a ti.
 
Tuihlan khalah Iran  Defence Ministry, ih an mi pawimawh zetih an ruahmi Ali Reza Asgari cu kum 2006 ah khan Syria ram a tlawn laiah rukhlo a siih,  khami thuhla khalah Iran cun Isreal leh US a rak puhzo.
 
Himi laiah Saudia Arabia cun Iran in  a puhnak thucu ngaithlak tlaklo leh zum tlaklo a siih, ram pakhat hruaitu in hivek thildiklo thuphan thu a rel suakcu a ning zah thlak ih a thusim mihi sutkir sal dingin Iran Foreign Minister, cu an ngen ve.
 
Saudi Arabia Foreign Ministry, thupuangtu, Osama Nugali cun  Saudi Arabia ramih Muslim hmun thianghlim Mecca ihsin  Shahram Amiri rukhlo a si ti ih, Iran in a timi hi thutheih fiangnak zianghman neilo in a relsuak menmi a si a ti.
 
Saudi Arabia Ministry cun  Iran  Scientist Shahram Amiri a hlo tiih, thu an than veten  an ramsung sii zung pawl leh a umnak dingih an zum nak hmun pawlcu Cozah thupek nakvek in hawl thluh a siih, Curuangah himi thu ih mawhphur tu ih Iran in Saudia Arabia a puhcu a thil tisual tumbik a siih, a tongkam sutsal dingin Saudia Arabia cun Iran a phut salve.
 
US Hnenah Cuba A Lungawi Lo
 
US ram Cozah zohthup tuleh thingthla tu ih an puhmi Cuba rammi Ramon Labanino leh Fernando Gonzalez kum 1998 kumih Miami ih US palik pawlih an kiah micu US court in an thu a relsakih Labinino hi a damsung thawng thlak dingih thu relsak mi a siih, Asinan kum 30 thawngthlak dingin an tthumsal ih, Gonzalez khalhi kum 19 thawng thlak dingih an timi cu kumkhat an tthumsak salih kum 18 thawngtla dingin an relsak.
 
Ramom Lebanino leh Fernando gonzalez hi  Cuba ramih Fidel Castro ih Cozah hnuaiih mi ramdang thlingthla tu leh zoh thuptu  Cuban Five an timi ih tel an si. Himihlanah an mai rualpi Antonia Guerreber khal  an kaiih a damsung thawngthlak dingih an timi a si nan  tuikum October thla ah khan kum 22 thanwgthlak dingin an tthum saksal.
 
US in a kaihmi Cuba minung pawlhi an thawng tlak dingcaan US Court in ti nepsak hman seh la Cuba Cozah cu US parah a lung a awi thei cuanglo ih, Cuba Cozah cun an ram minung pawl US in a kaih ih thanwg a thlak mi pawlhi thilsual tuahmi zianghman   an neilo tiah a ttang  feufeu laiih, Cuba National Assembly President, Recardo Alorcon cun hipawl hremnak US in a ti nepnak ruangah  Cuba Cozah cu a ti lungawi cuanglo ih, thilsual tilo nana na US in a kiah ih thawng a thlak cu thil diklo a siih, a suah tengteng ding a si  ati

(Visited 56 times, 1 visits today)

Comments

comments

Comments

%d bloggers like this: