Iran in missile pahnih tuah suak:

Kan dung zarh ah Iran Defence minister Ahmad Vahidi cun missile (rocket bomb) thar pahnih an tuah suak saal tiah a phuang. Hih thu hi an tam radio cun a phuang ih, Fars News Agency khalin nasazet in a ngan. Fars Thuthangca cun Defence minister Vahidi cu ‘Iran in kan dung zarh dungah Toofan-5 timi le Qaem timi rocket bomb pahnih a tuah suak’ a ti tiah a ngan ih, leitlun ram tampi in nuclear bomb a tuah le tuah lo thu an zingzawi lai ah hitivek ih bomb a tuah ringringmi parah US cun ‘thil awm lozet’ tiah a sawisel.

Vahidi cun missile pahnih cu khuitawk ah an ret ti a rel duh lo na’n, Qaem cu helicopter kahnak ding a si ih, Toofan-5 cu tanks pawl kahnak ding a si  tiah a ti. Vahidi hin Iran in kum 1979 ihsin kum (31) sung Shah siangpahrang uknak an lawng saknak puai cu ni (10)  sung an tuahnak ah hih thu hi a sim ih, Israel le US cun Iran in nuclear thuhla fiangfaizet ih a simfiang lo ahcun ‘a sir aw ding’ an timi cu Iran cun a tul daan ih zirin ‘ka do ding’ tiah a ti ve. Kan dung kum 2009 December thla khalah Iran cun Sejil-2 timi missile an tuah suak zo. – Reuters

(Visited 28 times, 1 visits today)

Comments

comments

Comments

%d bloggers like this: