Iran In Israel Leh US- A Puh

Fars News A Gency in  a tarlang nakah Iran ram Nuclear Scientist Mostafa Ahmadi_Roshan kum 32 micu Iran ram khawpi Tehran saklam Golnabi Street ah bomb ih puahthat a si tiah a tarlang.
A mah hi Allameh Tabafai University ih saya ttuanlai a siih, Asfahan Province ih  Nuclear tuahnak ih hnatuantu pawl zoh dingih a feh laiah Motor Cycle in to minung 2 in a tomi Car an ttaih ih cumi  an tthaihzawng a theihlo sungah thir hipbet theihci Bomb cu a Car  ah an hipbet terih cumi hnu reilo ta ah a puak tiah an sim. Mostafa Ahmadi Roshan hi Bomb puahnak hmunah a thicih ih, midang pahnih khal in hriamhma an tuar.
Himi thuih mawhphurtu ah Iran Cozah cun Israel Intelligence leh US cu a puh ciiih, Asinan US leh Isreal cun Iran puhnak cu thu diklo a si tiah an simve. Tehran ah hin kum  2010  November thla khalah Shahid Beheshti University ih Saya Nuclear lamin mithiam cungcuang Majjid Shatriari cu bomb ih puahthat a srak sizo ih, himi ih hleiah  Atomic Energy Organisation hotu dingih an ruatmi Fereydoon Abbasi khal  bomb ih puahthat a rak sizo.
Himi pawlih hlei ah kum 2010 January thla ah khan  Physics Professor Massoud Ali Mohammadi khal bomb ih puahthat a rak sizo ih, tui ttumih bomb puak leh kum 2010 ih bomb puahdan hi a bangaw zet tiah Iran Cozah thu neitu pawlcun an sim, a hlanih bomb puakzo pawl khalhi mawhphur tu ah Iran cun Israel leh US a rak puhzo hai ih, tui ttumih Bomb puakih thi RoShan hi Iran ram hrilawk nakih Opposition lamtang a si ruangah mi tampi cun Iran Cozah kut thlakmi a si ding tiah zumnak an nei

Pakistan President Hlun An Ram Ah A Kir Sal Ding


Pakistan  ram ralkap  cahnak hmangih rak ukzotu President, General, Pervez Musharrat cun  tuihla cemzawng ni 27-30 ih Pakistan ramih a tlunsal dingthu tui a umnak Dubai ihsin a simih, General,  Musharrat cun  hnakum ih an ram Pakistan ramih hrilawknak um dingmi ah an Party dintharmi All Pakistan Muslim  League cu cak tengteng dingih ttan la dingin a lam ttangpawl a cahhai.
General Musharrat hin an ramih kirsal a tumnak thuah hrinhro nak thu tamzet a dawngih a sinan  an ramih kirsal a tumnak cu  ti danglam theih asilo thu leh do awknak cu kumkhua a rak tuar rero zomi a sithu a sim.
(Visited 54 times, 1 visits today)

Comments

comments

Comments

%d bloggers like this: