Iran in Israel A Hro Sal

Mizan sunih Iran Cozah in an ram mipi pawl punkhawm nak a kawhkhawm miah Iran President, Mahmoud Amedinejad cun  Israel cu leitlun minung pawl lakih mi hnawksak bik leh  buainak suak tamter tubik an siih, tu ihsi reilo te ah Meddle East ah Juda pawlih hrangah hmun a um nawnlo ding tiah a sim. Iran ram sakhua biaknak lamih an hotu bik Ayatollah Ali- Khamenei khalin  Juda mi pawlcu Palestinian  pawlih kutsungih an umnak ding tikcu a rei nawnlo dingih an ziamral vivo ding tiah a sim ve.

Iran Nuclear hmun pawimawh pawl kapsiat dingih Israel ram hotu pawlin thu an rel rero lai fangih Iran ram hruaitu lubik pawlin hiti vek thu an ttongsuak sal ruangah an karlak boruak hi a sosang pangding ti phan a umzet. ram dangdang hruaitu hrekkhat leh Politics lam thlirtu pawlcun  Iran Nuclear hmun pawlhi tuikum America President, hrilawk nak ding November ni 6 hlanah Israel hin a kah mai zumtu khal an um.

UN Secretary General, Ban Ki-Moon khalin Iran ram hruaitu lubik pawlih thusim mihi nazetin a mawhthlukih. ram dang hrangih mi huatthu relnak leh buainak sosang suakter theitu thu a si ruangah thil thalo zet a si tiah a sim.

Himi hmunih suakkhawmtu Iran ram mipi pawlcun Israel thi in ziamral seh America thi in ziamral seh tiah an au ciamco ih, UN Press Office in thusuah a tuah nakah Iran ram hotu pawlih  thusim mi leh an mipi pawlih au nak hlacu UN Secretary in tha a tilo zet tiah an tarlangih, ram pakhat leh pakhat karlak ih buainak sosang suak terthei mi thu hrimhrim cu  UN duhdan asilo tiah an tarlang UN Member ram pawlcu  ram dangdang kut thlakawk nak leh hrimhro awknak ihsin  an thiar fihlim  aw ding a si timi cu UN danbu thuthlung sungah ngancia mi a si tiah an tarlang.

Rel theuzo vekin tuihlan ihsin Iran hin Israel cu leitlun ram zuk ih tello dingih nuaihlo a tumthu a rak aupi ringring mi a siih, Israel khalin Ralkap cahnak hmangih Iran kahmai hi voi tampi a rak tumzo ih, leitlun ram dangdangih buaipi mi leh Politics dinhmun khalah ram dangdang tiang buainak suakter tu an siphah hnge hnge. theihcio vekin  tu ah Iran cun Nuclear tuahsuak a tum rero ih hihi leitlun ram lian leh ram ropi pawl khalin an buaipi bik rero laimi a siih, Iran in Nuclear ralthuam a tuahsuak  ngaingai a si ah cun  Israel kah mai a duh zum a umih, cu ruangah hihi Israel cun  Iran ih Nuclear ralthuam a tuahsuak hlanih ralkap cahnak hmangih Iran Nuclear hmun hi kahsiat a tum nak a si.

 

(Visited 75 times, 1 visits today)

Comments

comments

4 Comments

  1. e khai a!

    cucu an kapaw ngaingai ding sihsi. kan rak thlir hrih kei cu ti. zumlotu pawl cu ziamral hai seh la ka duh cu a si bik e….

  2. Thian Lian Sang says:

    Israel pawl nih Iran hi kap thlang hai sehla ka duh men thlang e. Iran ih puarthau ttongkam hi ka thei paih nawn lo. Himi thu ah US tla in Israel cu kham nawn hlah sehla a ttha ding.

  3. zumlo tu pol ziamral men ding cu an thlarau hrang na ruat sak velo maw, Kunrirak??? ha ha ha…… zumlo tu pol hrang ah teh tla vawi 1 tal na cam zo maw???

  4. Iran cu Islem a si ih, Israel cu Christian an si. An rem aw thei lo ringring, An kahpawk ngai ah cun thil pawi tham tak a thleng men dg.
    Iran cu an puar thau zet nan Zum tu an si lo ih sakhua an si. An thi ah cun Hrem hmun an thleng dg si. Pathian in lam hruai dan si. Obama cun Pathian tel lo cun ziang hman a ti thei lo a ti.

Comments

%d bloggers like this: