Iran In Arab Ram Pawl A Hro

BBC | January 19

Iran ram Cozah in Nuclear ralthuam tuah a tum ruangih US leh European Union  ram pawlin hremnak pek an tum micu Iran Cozah cun thlawplo dingin Arab ram dangdang pawl a ngenih himi cingih US leh EU rampawlih duhdan an thlawp thotho a si le a sawhkhok mi an tuar ngam a ttul tiah Iran cun Arab rampawl a hro.

Relzo vekin US leh EU ram pawlcun Iran hremnak dingah Iran Zineen (Oil) leisak nawnlo dingih ram dangdang pawl a ngenih US leh EU ram pawlhin  ram dangdang thinlung an hmin theidingih a langruangah Iran ihsi Zineen Oil tamzet leisak theutu ram pawl khalin ram dangdang ihsin  Zinnen Oil leinakding lamzindang an dap rero ih theih a si.

Iran ram ihsi Zineen  leitambiktu hi China a siih, China Prime Minister, Wen Jiabao khalin Saudi Arabia, Lal King Abdullah ih hnenah Zineen Oil  tamsawn leithei nak lamzin hawlpi dingin a sawmzoih, South Korea President, Lee Myung Bak khalin Omar leh United Emirates hruaitu pawl Zineen Oil  tamsawn leinak lamzin hawlpi dingah a sawmzo.

Hiti vekih ram dangdang pawlin Iran ram ihsi Zineen Oil an lei nak titawp an tum ruangah OPEC ih Iran ram palai Mohammad -Ali Khatibi cun  Arab ram pawlcu Zineen  leinak ding thuah US leh EU rampawl duhdan thluntu ram pawlcun Iran in a rualpi tha ah a ruat nawnlo dingih lehhnu ih a ra thleng dingmi thuih a sawhkhok mi khal an tuar ngam ding a si a ti.

Comments

comments

Comments

%d bloggers like this: