Iran In AnRam Buai Nakah US Leh Europe Ram Pawl Puh

US President, Barack Hussein Obama cun Iran ram buainak cu leitlun mit latu bik a si tiah Iran ram hruaitu pawl a sim. Himi thuhi Iran ram thu neitu bik Ayatollah Ali khamenei  in an ram President hril awknak Result cu a dikmi leh rintlak asi ti thu mipi hnenih a sim ruangah  Obama in hi thuhi a simnak asi. Obama hin Iran ram buainak thu ih rawlh awk a tumlo thu a raksim zonan  US rorel nak Inn sang House of Representatives cun Iran  ram President hril awknak resut cu a diklo a si tiah a pawmpi lo nak thu a suah.

Iran ram thu neitu bik  Ayatollah Ali Khamenei, cun Iran ram hril awknak Result cu a dikmi asiih, Himi ruangih buainak tuahtu pawlcu  an thilti bansan dingin a ngen ih, himi buainak ruangih thisen suahnak leh buainak sosang a thleng asi ah cun mawh phurtu cu Opposition pawl an si ding tiah a sim.   US leh Europe ram pawlcu Iran ram buaiter tu leh  Opposition pawlih taw tawktu ah a puh. UK tlacu Iran hmelma tumbik a si a ti.

Iran buainak hin sosanlam a pan vivo zum a si ruangah, Palik pawlkhalin nasa zetih kilhim an tumih  an khawpi Tehran leh hmundang pawimawh nakhmun ih minung pawngkhawm cu nasa zetih vuak darh leh kaihih thawngthlak an si ding tiah  Tehran khawpi Palik Bawi Ahmad Reza Radan cun a sim. Himi laiah Opposition hotu Mir  Hossein Mousavi leh a dungthlun pawlcun an tumtah mi an hlawhtling hlancu nawr vivo an tumthu an simve.

(Visited 40 times, 1 visits today)

Comments

comments

Comments

%d bloggers like this: