Iran Do Nak Ding Thu Ah Israel Ram Hotu Pawl An Lung A Rual Lo

Israel Prime Minister,  Benjamin Natanyahu leh Defence Minister, Ehud Barak cun an mah kawmtu US Defence Secretary, Leon Panetta ih hnenah Isreal in ralkap cahnak hmangih Iran do  a tum dancu tha an ti dandan in an relleh dingthu an rak simih, himi thuhla hi ngunngaih zetih Israel ram hotu Minister pawlin relkhawmnak an neih hrihlo thukhal an rak sim.

Iran Nuclear Program thuhla hi Israel ram hotu pawlcun a thuhla mencun an rak relkhawm ttheu nan thutawp tuahtheitu Minister 8 umnak Committee in   ralkap cahnak hmangih Iran do ding thuhi fumfe zetin  nikum October thla ihsin relkhawmnak an neihlo thu khal an raksim.  ralkap cahnak hmangih Iran kutthlak ding thuhla ah Israel ram hotu pawlkhal an lungrual theih lo tiah theih a siih, Israel ram ralkap hotu leh Intelligence hotu pawlcun  ram hlazet Iran vapanih  fimkhurzet ih an Nuclear hmunpi va kahsiat dinghi thil awl ailo zet leh ralkap hrangah ttihnungzet a siih, fimkhur zetih kilhim ringring an ttul ding ruangah fimkhur zetih thuruah hmaisat a ttul ding tiah an simih, Prime Minister, Benjamin Natanyahu leh Defence Minister, Ehud Barak telin Miister 4 cun ralkap cahnak hmangih Iran kahmai hi an duhih Minister dang 4 in an duh hrihlo tiah theih  asi.

(Visited 81 times, 1 visits today)

Comments

comments

Comments

%d bloggers like this: