Iran Do Dingin Isreal A Tintuah Aw Thlang

Iran Nuclear hmun pawimawh kapsiat dingin Isreal a timtuah aw thlang tiah theih a si.Isreal Defence Minister, Ehud Barak cun  Iran in a ram sungah Nuclear tuahnak hmun 7 a neiih, hihi Intelligence pawlin ngunngaih zetih an zingzawi rerozo ih  a umnak hmun leh a dinhmun khal theihfiang thluh a sizo tiah a simih, ziang tikah Isreal in Iran kap dingin ralkap a thlahsuak ding timi cu theih a si hrihlo.

Relzo vekin tuihlan ihsin  Iran cun Isreal cu leitlun ramzuk ihsi siahbalih rawthlo a tumthu voi tampi a rak aupi rero zoih, cumi hnu kandung naite khalah Iran President Mahmoud Ahmadinejid leh an ram sakhua biaknak lamih an hotubik Khamenei cun Meddle East ihsin Isreal  ramcu a hlo dingih a reihlanah Juda pawlcu Palestinian pawlih kutsungah an umding tiah an simbet sal. Hiti vek thuhla hrinhro awknak  tamtuk ruangah Isreal khalin Isreal ram humhim nak dingah Iran Nuclear hmun pawl ralkap cahnak hmangih kahsiatsak mailocu lamzin dang hrilding a neihlo thu a voi tampi a rak sim rerove.

Tuah hin Isreal cun Iran kahnak dingih raldo nak Vanzam leh rocket pawl zuannak ding lamzin a dap rero tiah theih a siih,  raldo nak Vanzam leh  rocket pawl zuannak dingah Turkey cu a ramtlun ih zuang dingin a bezo ih, Turkey cu a sianthu a sim ih, Tukey tluni vansang boruakih  Isreal Vanzam leh Rocket pawl zuannak ding  lamzin hi Km 1,562 ih hla a si dingih,  a sinan Turkey Cozah hin an ramsungih Vanzam ttumter leh  vanzam ti petrol thunter a sian hi zum a silo.Isreal Vanzam pawlhi vansang boruak parah ti an thunaw cawp dingih , himi ih hleiah Isreal hin Iraq khal a ram tlunih raldo nak Vanzam leh rocket pawl zuanter siang dingih a dilih, a sinan Iraq hin a sianding leh sianlo ding thu zianghman a relsuak hrihlo ih, Iraq thlun ihsin vanzam leh rocket zuannak ding vansang boruak lamzin hi Km 1,586 hrawng a si ding.

Ziangvek ralthuam leh ziangvek vanzam an hmangtum timi cu an simlo ih ralkap Special Commando  thiamzet leh thazet ralkap 1,600 hrawngcu  khualhlapi tlawng dingih Training thazet an neiter  rero zo tiah theih a siih, Isreal hin Iran hi tuikum  kumtir April  thla hrawngah khan a kah mai zumtu an um ih , a sinan a kapsuaklo. tuah US President November ni 6 ih an hrilhlanah a kapding tiih zumthu khal an tampi.

(Visited 104 times, 1 visits today)

Comments

comments

Comments

%d bloggers like this: