IPCM in Vei 49-nak General Assembly Khawmpi Hlunghlai Zet in Hmang

1654304_670048606385760_541854307_n

Rev. Dr. Pa Sang in Assembly Excutive Committee sungtelpawl Pathian hnenih hlannak a neih lai

Chinland Today Media
Kianghrol Hmingte 

Kawhhran dinnak kum 76 lai rei zo Independent Presbyterian Church of Myanmar cun vei 49-nak General Assembly Khawmpi cu 2014 February 21-23 ahkhan Sekan khua, IPCM veng thlang biakinn ah hlunghlai le tluangte’n an hman thu theih a si.

Ting 1,000 hrawng cem ih sak mi Sekan veng thlang IPCM biakinn onnak hman kop mi tui ttum General Assembly khawmpi ih thupi cu ‘Ka Covo cu Bawipa Lawng A Si’ (Tahhla 3:24) timi a si ih, khawmawknak vei khat ah sermon vei hnih, evangelist pakhat le pastor pakhat, vivo neih a si. Kawhhran laireltupawl le mipi khal an suak ttha ih taksa le thlaraulam thazang khal an ngah zet thu theih a si.

IPCM kawhhran General Assembly Khawmpi hi kum thum vei khat tuah mi a si ih, kawhhran hruaitu puipapawl hril kum khal a si. Tui kum khal ah hruaitupawl hril an si ih 2014-2017 sung IPCM hruaitu tthenkhat cu Rev. Sen Ro Sang (President), Rev. Biak Ruat Zual (Vice President), le Rev. Thawng Cin Thang (General Secretary) pawl an si. Khawmpi neih lo kum ahcun lairelnak lawng tuah a si ttheu.

(Visited 135 times, 1 visits today)

Comments

comments

Comments

%d bloggers like this: