Investment parah Kir saal

September 14
Tlawngkai Ninga

Investment parah Kir saal

Bible Siar Ding: Isaiah 5:1-7

Ka sabit hmuan hrangah ka tuah lomi ziangso a um? Asinain ziangah so ka ruah vekih sabit thaw suak loin sabit rah thur a suah? – Isaiah 5:4

New York ihsin Florida khua ih ka ceer hnu ah, a hmaisabik ih ka ciinmi cu lingmaw (orange) kung pakhat a si. Tthazet ih a hung tthan ding le rah ttha a rah ding ruahsan in a kiangkap hrampi pawl ka thlawhfai sak, dawm tla ka pek, ih pangang in siahsuah lo dingin sii ka kap. Asinan lingmaw kung cu tthang thei loin feerzet le fatezet in a um. Tikcu caan a hung rei, a tthang thei lo, a par thei lo, ih rah khal a rah thei lo. A hngettek pawl ka thianhlimter ih ziangtluk ih ka zingziat khal le a danglam cuang lo. Duum tuah daan thiamzet (expert) pawl ka sutron khal le in bawm thei cuang lo.

Kum mallai a rung rei tikah, lingmaw kung cu a thi. Leilung ihsin ka phawi tikah ka hmuhsuakmi cu a hram pawl leilung sungih a kiangkap ah an karhzai thei lomi a rak si. Hih thingkung in a cahnak (potential) a hmangsuak thei lo.

Profet Isaiah in sabit hmuan duum neitu Pathian cu A sabit hmuan neihmi in a thin a cemter thu a simphuang. A sabit hmuan cu tthazet in a thlo, a thianhlimter ih rah ttha rah dingin a cang thei patawp in a tuamhlawm, asinan sabit rah cun zianghman man a nei thei cuang lo. A thei tawkin hram a ttoh (investment) hnu ah, Pathian in a ciinmi par ihsin ngah saal ding a ruahsan thei timi hi a el duhtu mi malte cu an um thei men.

Pathian in kan nunnak sungih thil ttha hram a ttohmi (investment) pawl hi vun ruat ttha hnik aw – rundamnak, thlarau laksawng pawl, A zaangfahnak, A ngilneihnak, tivek pawl. Pathian ih a hmuhmi “Pumpeknak (yielding)” cu ziangmi si pei? Sabit thur pawl asilole thuthlunnak rah le thlarau nun tthanlen pitlinnak pawl hi an si ding.

Bawipa, Na sabit hmuan duum sungih in fingkhawimi parah ka lungawizet. Nangmah lo upat sunloihtu si dingin rah ttha rah thei dingah i bawm aw.

Hmuanneitu in rah ka rahmi parah ziangti’n a man a khiak pei?
Ziangti’n A hrangah rah ttha tamsin ka rah thei pei?

@Pennington

(Visited 14 times, 1 visits today)

Comments

comments

Comments

%d bloggers like this: