Interview ding ni le thla thawn

CT/ New Delhi, 17 February 2009

Delhi ih um raltlan vakvai pawl hrang ih lungawi um zetmi thuthang pakhat cu 2010 ih interview ding pawl cu 2009 ah an thawn timi a si. Hi an thawn thu hi New Delhi ih UNHCR cun vengtin ih raltlan vakvai mipi punkhawmnak hmun le office tamsawn ah ca a tar. UHCRC thuneitu pawl ih sim daan vek a sile, 2009 ih interview ni an thawnmi pawl cu an mah le inn ciar ah ca kan kuat tin an sim.

UNHCR cun 2010 ih interview ding hmuahhmuah 2009 ih an thawn thluh le thluhlo a rel lo ih March (6) ih interview thawnnak cakuat an dawnglo a sile, a hnuai ih ni le thla nganmi vek in UNHCR ah an ra suthliah thei a si tin an sim. Asinan, UNHCR pawl cun March (6) hlan ih suh an duh lo thu tla an ngan tel bet.

UNHCR thusuah a sivekin hiti vekih interview ni le thla an thawnnak san hi zo hman in an thei felfai lo. 2010 ih interview ding timi pawl hrang ahcun March (6) kim lohli ding le a ni le thla thawnsak le sak lo pawl theihfiang lohli ding an hngakhlap zet. Delhi ih Chimi raltlan pakhat tla cun “ Beidawng zetin nitin Rs-70 fangte ka hlawh, ka interview ding kum le 2010 a si. Asinan UNHCR thusuah ruangah cakuat ka dawng hrihlo nan ka hrangah ruahsannak malte tal a um ve ih thuhla ka theifiang duh zet thlang” tin a sim.

                  Interview ding ih tiam thla                  Suhhlam ding nithla

2010 Jan                                                        : 2009 March 12-13

1010 Feb                                                       : 09 March 18-19

2010 March                                                  : 09 March 25-26-27

2010 April                                                     : 09 April 1-2-3

2010 May                                                      : 09 May 8-9

2010 June                                                     : 09 April 15-16-17

2010 July                                                      : 09 April 22-23-24

2010 Aug                                                       : 09 April 29-30

2010 Sept                                                      : 09 May 6-7-8

2010 Oct                                                        : 09 May 13-14-15

2010 Nov                                                       : 09 May 20-21-22

 

Comments

comments

Comments

%d bloggers like this: