Internet Ruangah Biaknak Thlahthlam

internet

USA ramsung, Chicago University ih General Social Survey pawl cun, USA ramsung ummi pawl zohfiahnak an neih nak ah, tuihlan kum 20 hnakin tulai mi pawl hin biaknak lam an thlahthlam zet thlang tiin an sim. Cumi cu ziangruangah ti a si le, Internet ruangah a si tiin thusuah an tuah thu The Christian Post cun a tarlang.

General Social Survey ih tuanvo neitu pakhat a simi Downey cun, “Tuihlan ahcun, Internet tham an thiam hrih lo ruangah, Pathian Thu an siar duhmi, an theih duhmi pawl cu Bible le mithiam pawl ih nganmi hmangin anmah rori in an siar ih an zir. Tulai ahcun Internet ah ziangkim a kim theh tiin Internet ah an feh theh. Asinan, Pathian Thu ngaingai bih ngurngo tu an malzet thlang” tiin a sim.

Biaknak lam tahnak ahcun, 1990 ah USA ramsung ah Biaknak nei lo hi 8% an um. An tahnak netabik 2010 ahcun 18% an kim thlang. Protestant khal an niam vivo. 1990 ahcun 62% an si nan, 2010 ahcun 51% an si thlang. Catholic le Jews cu danglamnak um lo in an kel ringring. Internet ruangah hin biaknak lawng si lo in tlawng lam khal an tla niam vivo. Tuihlan ahcun US ramsung mipi zate ah 17% tluk hrawng lawng tlawng theh lo an si. Tu ahcun 27% an si thlang tiin an zingzoinak ahcun an tarlang.

Comments

comments

Comments

%d bloggers like this: