Internet Hmang Tambik Ram

January 15, 2009.
by-Pasum

Israel In UN  Head Quarter Kap

Israel leh Hamas pawl do awknak cu ni 20 a kim thlangih. Leitlun ramdangdang hotu pawlin rualrem nak tuahtumih an buai rero nakah daih nak lam hawi zawngih hmasawn nak hmelthar hmuhding a um hrihlo.Mizan sun khalah Israel ralkap pawlcun Gaza ih UN hmunpi cu Vanzam ih Missile in an kapsiat.
Palestinian Health Ministry in a  sim nakah Israel leh Hamas pawl do awknak ah hin Palestinian minung 1,073 an thizo ih midang 5,000 lenglo in hriam hma an tuar tiah an sim.
Mithi 1,073 sungah 670 cu civilian an siih. 355 cu nauhak an si. minung 12 cu Health Ministry ih hna ttuantu an si tiah an sim. Hamas thu puangtu, Ayman Taha, in a simnak ah  Israel ralkap missile in Gaza ih siizung pakhat a kapsalin minung 15 hnakih mallo an thibet tiah a simbet.
Israel ralkap pawlin ansim nakah Hamas hotu, Gaza Interior Minister, Said Siam cu a naupa thawn  an umnak iin sungah (IDF) Israel Defence Force pawlin Missile in an kap ngahih an thi tiah an sim. Asinan palestinian thu puangtu cun himi thuhi confirm nak a um hrihlo tiah an simve.
Israel ralkap pawlin Gaza ih UN hmunpi an kah ruangah UN Secretary General Ban Ki-Moon cu a thin a hengzetih Israel in UN thu a ngaiduhlo lawngmen silo in . UN hmun pawimawh tiang a kapsiat cu pawi a tithu a sim. Israel Prime Minister Ehud Olmert cun Ban Ki-Moon hnenah ngaidam a dilih   Gaza ih UN hmun pawimawh Israel ralkap pawlin an kapsiat cu pawi a tithu sim’n  Gaza ih UN Head Quarter cu Hamas pawlin Ttanhmun sirnak ah an hmangih UN hmun le ramsung ihsin Rocket thawn Israel an kapih Cu ruangah Israel ralkap pawlin hrehzet cingin Gaza ih UN hmunpi hi an kap asi tiah a sim.

Cozah Hnen ah Ta Pung Pe

India ram Assam State ih Ta pung National Democratic Front of Bodoland (NDFB) minung 42 leh United Libration Front of Assam (ULFA) minung 4  an zaten minung 46 pawlcu ralthuam meithal  ziangmaw zat thawn Assam State Baksi Dist, SP Office ah an pe lutaw ih an lakah nunau pakhat a tel.  Police pawlinan simnakah . Hi Tapung pawlin Cozah kutih ralthuam an luhpi mipawl cu  Bomb tuahnak NTN Kg 50,   AK 56 rifle 2 amu 300,  9 mm Pistol 2, amu 17,    China Pistol 2, Pen Pistol leh a mu 6,   Grenade 18   an si..

Fala Leh Tlangval Tlangleng In Rial That

Tih ni zanah India ram Rajasthan Fala leh Tlangval ngaizawng aw. Tlangval, Dipika Sharma leh Fala, Amit Baid cu an nuleh pa in neih awkter an siamlo ruangah. Tlangleng tlanlai rial aw terin an pahnih in an thitlang. Himi thilthlen nak hmunhi  Jaipur ih  Malviya Nagar ih Gaurav Tower kiangah asi ih.
Hi fala leh Tlangval duh awzet hi.  Tlangleng lamzin kiangte ih kutkai aw ih an umlai cu an kiangkap minung pawin an rak hmu ih. Himi hnu nazi khuai hrawngah  Jaipur ihsin Rewari panih ratlan Tlangleng hmaiah kutsih aw in an dingih Tlangleng a ra thlen taktak ah cun an bawk ih Tlangleng mawngtu khalin a hmu nan dinter theih asi nawn silo ih.  An duhdawt awknak cu lungrual ten an thihpi tlang asi. Himi hnuah Police pawlcun zo ansi tileh an sungkhat pawl an hawlih an sungkhat pawlin an naule an sithu an fianghnu ah an ruanghi police pawl theihpi nakin an lasuak..

Internet Hmang TamBik China

Leilung tlunih Internet hmangtam bikcu China an siih. Nikum kumcem tiangah minung  Million 298 in Internet an hmang. China ramih Internet hmangtu lawng hmanhi US ram minung zat zikte an si.  China Internet Network  Information Centre cun an ramih Internet hmangtu hi  nikum sungah  zaa ah 41.9 in an pungcak tiah a sim.  Nikum ah khan Moble phone hmangih Internet hmangtu cu minung Million 117 leh ting 6 an si, Tuihlan ah hin China Cozah in Internet hmanhi a rakkham nasa zetih. Asinan  tu ah cun a runthlah zalen zetsal.
Tik cucan hmangdik hram aw. Nikhat sungah nazi 24 a umih. Nazi 8 sung hna ttuan awla, Nazi 6 sung it aw, Nazi 3 sung cazoh awla Thuthang ngai aw, Minit 15 tetal Thlacam aw. tikcu can lawng nanei tampi lai.

Comments

comments

Comments

%d bloggers like this: