‘International Conference’ Delhi Ih Neihmi Ah CNP Palai Hngepi Le Zo Zam Telve

CT News Delhi | January

International Conference tu’ini January 28, zarhteni New Delhi, Chanakya Puri ih neih miah Kawlram political party 10 ihsin palai 2 ciar cu hi conference ih tel ve ding ah India, New Delhi ih an thlen thu le conference an kairero lai thu CT palai Salai Star hnen ihsin thu kan dawng.

Kawlram political party 10 lak ihsin Chin mi in an rinsan zetmi, CNP (Chin National Party) khal in an palai 2 : Hngepi le Zo Zam cu hi conference ah tel ve ding in an thlah ve a si.

Hi thu tawlrel rero a si lai thleng ahcun hi conference ih an thurelmi cu theih a si hrihlo nan Kawlram thuhla siseh, Chin issue khal siseh rel a si ding thu thuhla theitu, CT palai Salai Star cun a rel bet. Cuhleiah, Party 10 palai pawl cun January 29, zarhpini ah New Delhi hi hmun langsar zet le hmun nuam  asimi Historical Palace pawl khal an leng ding ih conference cu January 30 ihsin 31 tiang an nei peh leh ding a si.

CNP palai hngepi cun thaisun, zarhpini ah New Delhi ih fellowship dinhmaisabik le a tumbik asimi, DBCF (Delhi Burmese Christian Fellowship) ah Pathian thangthat ding in a khawm dingih canlawng le cantha a um a si ah cun FUD (Falam Union Delhi), CNCP (Chin Nonawn Calai Pawlkom) le community dangdang pawl khal in a mah kawmnak an neih cih tum thu khal Salai Star cun a rel tel bet.

(Visited 50 times, 1 visits today)

Comments

comments

One Comment

  1. Dear Salai Zilthli

    Hmin ngan dik lo a sum ih..

    “Hngepi” siloin “Nhgepi” sawn a si.

    Lungawi

Comments

%d bloggers like this: