Intel Company Ramsung Lut

Atu tikcu hi kan ram acozah mipi a that rero mi an cawl ti’n an zum ih Intel company cun kan ram sungah an lut zo tiin tuni Tlawngkai Nikhat, 10.12.12, ni ah an puang. Intel cun atu tikcu hi kan ram sungah lutnak dingah caanṭhabik a si tiin a zum. Intel company cun Ingram Micro cu ramsung ih thehdarhtu dingah KMD technology pawl cu  hmaikum 2013 sungah a zemdarh thlang ding.

Intel CPU, motherboard, le solid-state drive pawl cu a hmaisabik ah a ṭhangso rero mi kan ram mipi le kan ram dinhmun thawn milin an thehdarh ding.

Intel company in director Uday Marty in Intel business hnaṭuannak hi Southeast Asia le a ṭhangso reromi Myanmar ram pawlah luhpi ding tikcu caanṭhabik a si tiin a sim. Intel company in an ram ṭhangsonak ding tampi a bawm ding ti khalin a simbet. A hleice in kan ramsung ah technology pawl le fimzirnak programmes pawlah bawm dingin an duh. Social le economic tuahṭhatnak le mipi ih hlawkpinak pawl cu a suahpi ding tiin a sim.

Thailand ih um Intel zung ihsin kan ram dinhmun ah ramdang dung kan tantuknak le technology lamih ṭhansohter kan ṭultuknak pawl cu an hmu ih atu tikcu ah ramdang pawl an bangsal theinak dingah caanṭha a si ti cu an zum.

Comments

comments

Comments

%d bloggers like this: