Insein Ih Inn 30 Lenglo Umnak Thawn Ding

Myanmarewshub | January 29

Kawlram khawpi hlun, Yangon ah inn san/luah ding awlai le hmanawl sawn ih san/luah a si theinak dingah Taw-win-mih-ta-suh company in project an fehpi reromi ah Yangon, Insein Township ih (kah) yiatkuat ihum inn 30 lenglo cu an umnak hmun thawn an si ding thu yiatkuat um mipakhat in a rel.

Hi project ruangah ahmat (115) kah/3 ihum Daw Puh cun a inn cu ks. 170,000 ih a zuar zo. January 31 ah thawn tengteng a tul ding thu le Cozah thuneitu lam in zuar lai can ih zuar lole an buaipi lo ding thu pawl an rel ruangih hramhram ih zuar asi thu pawl a rel.

Cu lawng siloin innhmun khal duhvek in zuar a theih lo ruangah zuar thei hrih lo khal an um. “Zuar lo theih lo dinghmun ah ka um si ka zuar men a si. Amanah ting 25 in ka ti nan 23 lawng in an lei duh ruangah ka zuar hrih lo deuh.” tiah hi yiatkuat ihum ve Daw San Myint khal in a rel.

Daw Puh Suu Mah khal in, “ Ka fa le tlawng an theh tiang in hngak hramhram ding in ka ngen thei fangfang.” tiah  a dinhmun lunghnur thlak zet cu a rel ve. Hi project tuanvoneitu pawl cun yiatkuat luhnak lamzin pakhat kah/6 cu January 6 ah an project hrang a tulmi lamzin tuah thatnak ding ah tawlrelnak an rak nei zo ih tuahcun mai inn hmai ciar cu lamzin hrang lamzin lai ding ah an nawr rero asi.

Hi thubuai ruangah yiatkuat upa pawl cun Taw-win-mih-ta-suh company cu phone in an bia ih a sinan zohman in hi thubua an neihmi cu cinfelsak dingin an um lo thu khal theih a si.

(Visited 37 times, 1 visits today)

Comments

comments

Comments

%d bloggers like this: