Innhnen Parih Tthatnak

November 2

Tlawngkai Nihnih

Innhnen Parih Tthatnak

Siar:

Luke 10:25-37

Asinain Samaria mi pakhat cu cutawk lamzin ah khual a tlawng ve ih cuih mina pa hnen a thleng ih a hmuh tikah a zaangfah ngaingai.     – Luke 10:33

Kumkhat Sung Baibal:

Jeremiah 27-29

–   Titus 3

Zaangfahnak langter ding thu ah kan harsatnakbik pakhat cu kan zaangfahnak  ttulbiktu zo a si, ti thinlung ih rel ciami kan neih hi a si. Jesuh in tahtthimnak in thusuhnak a tuah: Zoso ka innhnen? (Luke 10:29). Zoso innhnen vekih tuah tthat ding tlak mi?

Jesuh ih a simmi cu: mi pakhat cu lamzin ttihnung hminthang Jerusalem le Jericho karlak lamzin ah a feh. Rukru le damiah pawl hnen a thleng ih nasazet in an thawi, a thi taan in an taan. Judah mi biaknaklam puithiam pakhat le Levi mi pakhat cun biaknaklam daan ih borhhlawh ding phang ah an fehsan. Samaria mi pakhat cu a ra ih cuih hliam a tuarmi pa cu ziang khal ruat loin a zaangfah.

Jesuh ih thusim a ngaitu pawl cu an mang a bangzet ding, ziangahtile Judah pawl cun Samaria pawl cu an ngaih lozet. Samaria pa khal mi zaangfah ding ri a nei thei men, asilole cu pa cu zaangfah tlak tiah a ruat a si thei, ziangahtile cu pa cu Judah mi a si. Hmanseh cuih Samaria pa cun tthatnak tuah ding tlak innhnen thawn pehpar in ramri a tuah lo. Bom ttulzet minung pakhat in a hmu.

Zaangfah tlak na timi hnenah zaangfahnak na suup dah maw? Jesuh thluntu kan si vekin zaangfah ding innhnen hawl uhsi! Ahleice in zaangfah tlak lo kan timi pawl hnenah.   – Marvin Williams

Tuni ah mi paziat ih nunnak kan tongtham?

Innhnen mi paziat in kan inn zin an zawh?

Mi tampi thluasuah kan pe thei ih kan bawm thei,

Khrih vekin mi pakhat cio kan tongtham ahcun. – Jones

Khrih kan duhdawtnak cu

kan innhnen kan duhdawtnak in a fiangter.

Comments

comments

Comments

%d bloggers like this: