Inn Sak

August 21
Tlawngkai Nihnih

Inn Sak

Bible Siar Ding: Hebru 3:1-6

Inn hmuahhmuah cu mi pakhatkhat ih sakmi a si; asinain ziang hmuahhmuah a saktu cu Pathian a si.
Hebru 3:4

Scientist pawl in DNA cu nunnak ih innsaknak a si an ti, ziangruangahtile cumi in mi pakhat cio ih nunnak ruangzingmi pianhmang a umter vingvo ruangah a si! (DNA:blueprint for living being)

Kawhhran pakhat ih Biakinn dinsuahnak ah a telmi thilri pawl thu kan ruah tikah, thing, lungto, asilole tlakrawh (bricks) tivek … pawl hmangih sakmi innpi a si ti kan hmu thei. Sikhalsehla, Pathian in A Kawhhran – A Inn – cu Amah a theitu, a zumtu le a rinsantu a minung pawl hmangin a sak a si, lungto le tlakrawh pawl thawn a si lo. Amah in tikcu caan pakhat ah mi pakhat a saktuah ih A Innsang cu ttong tinkim, nunphung tinkim le miphun tinkim ti’n a karhzaiter vingvo.

Hebru cangantu in zumtu Christian pawl cu Pathian ih innsang kan si a ti. Kawhhran cu A Fapa Jesuh Khrih thawngin a sakmi Inn a si. Anih cun pehzom vingvo in A Inn cu Jesuh Khrih thawngin a sak pehzom hrih ding, hih leitlun caan a cem ih Khrih cu A minung pawl hruai dingih a rung ttumlai hlan lo catbaang loin a sak ding a si.

Zumtu mi piangthar kannih pawl hi Pathian innsang ah kanmah le kan umnak hmun ciar latu ding kan si. In Rundamtu kan Bawipa ni nikhat ni ah kanmah hruai dingih a rat saal lai hlan lo zumnak hngetkhoh nei in thinsau le rin-umzet in hngak ding kan si.

Bawipa Pathian, Na innsang ah tel dingin sak dingih i hril ruangah ka lungawi. Nangmah lo sunloihtu si dingin in bawm aw, Na kawhhran famkim ih na sak ni tiang thinsauzet ih hngaktu si thei dingin.

Pathian innsang ih ka dinhmun hi ziangbikso a si? Tuni ah ka nunnak innsaktu ka Bawipa cu ziangtinso ka sunloih ding?

@ Ava Pennington

(Visited 23 times, 1 visits today)

Comments

comments

Comments

%d bloggers like this: