Inn-hnen

inn
“Inn-hnen”
Inn ti mi cu,
Caan tam lakin
Kan rak sak cio.
Inn tin kim cu
Inn hnen nei in
Kan rak um cio.

Um nak zirin
Inn hnen, rualpi
An rak t’ha le Hlawknak ngah in
Vant’ha kan si.
Um nak zirin
Inn hnen, rualpi
An rak sia le
Hlawk nak ngah lo’n
Vansia kan si.

Inn khat le khat
Tlamtlin lo nak
Um daan mawi lo
Thinheng khal ah
Hau awk lo te’n
Kan rak tuar thei.

A si ko na’n…
Inn par kai in
Inn siat dingin
Tumtah hnaihnok
Nunzia mawi lo
An si ah cun
Lungrual te in
Kan sungkua te’n
Nun kan sim ding
Thudik lamt’ang Ralt’hat’nak
Diknak t’an tu kan sungkua.

By/ Salai Phenthlam

Comments

comments

Comments

%d bloggers like this: