Indonesia Vanzam a Tla

Mizan zingah Indonesia ralkap Vanzam C-130 Hercules Alpha 1325 cu Jakarta ih Halim Perdamakusuma Airport ih si Java saklam pan dingih  a zuangsuak cu Iswahyudi Airport ihsi Km 4 hrawngah a tla ih minung 97 an thi ih minung 15 in kangmei hriamhma nazet an tuar. Hi Vanzam hi ralkap pawlin khual tlawn nak ih an hman theu mi a si ih, a tlak lai khal ah ralkap ziang maw zat leh an nupi fate ziang maw zat an tel. a tlak nak ah hin leilung ih rak um minung 2 an thitel betih leilet bial lakih tla a si ih a tlak veten a Vanzam khal a kang alh cih thluh. 

A tlak hlante ah tuanvo neitu pawlin an be konan harsat nak ziang hman a neih lo thu Pilot pawlin an simih, a tum nak ding Iswahyudi Airport ih a tum theilo ruangah  Geplak khua ih Inn zaing amwzat cu a taih siat thluh ih Indonesia ram thlanglam ih khawpi pakhat Surabaya ihsin KM 150 hrawngihn hla  Madiun leh Magetan  district rit awknak ah a tla ih hriamhma tuartu pawlhi Sudono leh Iswahyudi si zungah ret an si tiah Ralkap thupuangttu Sargoun Tambun cun a sim. 

Surbung Tlang Thuthang Siarbet 

Hi vanduai nak ih mithi lak ah nauhak 10 an tel ih Vanzam a tlak hlante ah a puak tiah a kiangkap ih rak um pawlcun an sim. Indonesia Vanzam hi a tlak theu ruangah kum 2007 hrawngah cun European Union ram pawl tla cun an ram tlawnnakih hman- hman an rak kham sak zo ih, kan dung thla khal ah Java ih Vanzam tla ruangah minung 24 an thizo ih, tui thla ih Vanzam dang tla khal minung 10 an thizo fawn, nikum sungah khan Indonesia ram ih Vanzam tla ruangah minung 120 hrawngan thi a  si.

(Visited 46 times, 2 visits today)

Comments

comments

Comments

%d bloggers like this: