Indonesia Hnen-um Nu A Thupten Nau Hring; A Fa Pawhdawh Ah Thup Bet!

12108892_900439616710710_787979553509419128_n

Kum 33 a simi, Indonesia rammi Singapore ih hnen-um hnațuan cun zohman ih theih loin nau a hringih cuih hlei ah a fahrinmi cu thicia in a suak ruangah a pi tei’ room pawhdawh sungah a thup bet ruangah kaih a si thu The Straits Times thuthang cun a tarlang.

Chinese paper, Shin Min Daily News ih a ngandan vek asile tlawngkai nikhat (October 19) sunhnu ah a pi le pu hnenah a dam hnai lo thu a simih cutin a pi le in normal clinic ah an hruai. Asinan khatawk ihsin “KK Women’s And Children’s Hospital” ih zohhliah aw dingin an rak kuat. Doctor in fahring pek a si a zum thu a rak sim.

Cumi in thu an sut vivoih nunau nu cun fa a hring ih thicia in a suak ruangah a hnațuannak Serangoon , Lorong Ong Lye ih inn thuahhnih um, a tlunta tu pawhdawh sungih a thuh thu a phuangaw. Cumi in palik an ko ih palik pawlin an va zoh cu, mipa naute thicia an va sar.

Naute cu a cuhlam thla 5 lawngin a suakmi a si thu khal an sim. Inn hnenveng ih hnen-um dang pawlin, “Hihlan thlakhat hrawngin Angki puahpi pi lawnglawng a hruk ih a mithmai khal a pan dah lo. Mi khal a biak dah loih Sangka leng khal a suak dah lo. Zarhkhat veikhat motor a kholh lawng leng a suak kan hmu. Wet Market a feh khalah amahte a feh țheu” tiin an sim.

A hnațuannak innsang cu sungkua 5 pitar le putar, an fanu tei’ nupa le kum 11 mi tupa te tipawl an si. Amah hi hitawk innsang ih hna a țuannak kum 1hnakih tam a rei zo. Cun, amah cu pasal nei in fapa pahnih neicia a si thu khal Shin Min thuthang cun a ngan.#

Comments

comments

Comments

%d bloggers like this: