India Vanzam A Tla

Mizan sunah Indian AirForce Raldo nak Vanzam MIG-21 cu Assam State Chobua Airbase kiangah a tla ih a Mawngtu Flying Officer, Hemanth Da-ve cu  Parachute hmangin a zuangsuak man. Pilot  Da-ve hin Training nei ih a zuansuak hnu reilo te ah a Vanzam a that lo thu lei lamah thu a thancih ih cumi hnu ah a mahcu Parachute hmangin a zuangsuak ih cumi hnu reilo te ah a Vanzam khal a hnuai leilet hmun ah a tlacih.

India ram raldo nak Vanzam pawlhi tuikum sunglawng hman ah ziangmaw zat a tlazo ih. Hi MIG-21  Fighter hi tukum sungih Indian AirForce  a vawi 6 tlak nak a si. Himi ruangah IAF pawlcun Indian  Raldo nak  Vanzam hi  an ngai pawimawh nasa ih zohfiang tul mipawl khal theitawkin an zoh fiang rero.

IAF Vanzam Kiran MK-II Trainer Finghter, Surya kiran Aerobatic Team ihta cu tuikum January ni 21 ah khan a raktla zo ih.   April ni 30 ah khan  Sukhoi Fighter a tlasal ih,   May ni 15 ah khan MIG-27 a tlaleh salih,   May ni 27 ah  khan MIG-21 Bison khal a raltla zofawn,   Cumi hnu tuithla ni 9 ah khan AN-32 khal a raktla zo ih,   tu ah MIG-21 a tlasal bet a si.

(Visited 48 times, 1 visits today)

Comments

comments

Comments

%d bloggers like this: