India Tlawngta 200 Pawlsual Tih Ruangah Zirnak Colhsan

GIRLS'-HOSTELMisual suamhmang pawl ruangah Uttar Pradesh, Breilly ih um nunau minung 200 lai cun tlawng an colhsan. Hi tlawngta nauhak pawl hi nitin an tlawng fehnak zinah tiva an kaan a tul I, cu cu caantha ah la in tiva ralkhat lam ihsin suamhmang pawl hin an rak bawh theu. Tu ah nunau minung 35 pawl cu fimthiamnak duhtuk le tul tuk ih theihawk ruangah pehzawm in an feh thotho, asinan adang pawl cun suamhmang pawl tih ah an zirlai an tansan thu thuthang in a sim.

An tlawngkainak Shergarh, hi an um nak Bareilly ihsin 45 km lai hla a si, hi thilcang pawl hi nulepa pawl cun cangan in Uttar Pradesh thuneitu hnen ah an thlen, hiti vek ih an fanu pawl suamhmang pawl ih hninghnonak le pawngsual an tawn nak hi kumhnih lai a rei zo. Hi nunau nauhak pawl le an sungkua pawl hin Bareilly Union Minister le MP Santosh Kumar Pawl hnen khal ah an fanu pawl tlawng feh le tlun thlah tullo ih tuanvo laksak ding an ngen thu khal theih a si.

Roshimi Singh kum 15 mi phun 9 kailai tu cun, hi suamhmang misual pawl hin tidai thawn in thehcia , in kaihrem ih sualpit in tum ringring, hiti vekih in ti buainak hi kumhnih lai a rei zo ti khal in a sim. Thil cangmi pawl hi police voihnih lai kan sim nan, in ngaihsak lo ti khal in a sim. Neha Singh phun 7 tlawngta nauhak nute cun a thusimnak ah State cozah in security in retsak lo ah cun, zohman in in buaipi duhlo ti khal in an complaint nak ah a sim.

Hram: Time of India News 23, Jul,2015

(Visited 250 times, 1 visits today)

Comments

comments

Comments

%d bloggers like this: