India Ramah Nunau Pawngsualnak Thleng Lala

542035_355893977841528_488521764_nAMRITSAR, INDIA : Kan dung naite ih India ramsung le leitlun tihnin theitu thuthang, nunau pawngsualnak le pawngsual tuartu nunau cu Singapore ih a thihnak thu theih asi. Cumi ih sualnak a neitu le pawngsualtu pawl khal tu ah court ah an thu relsak rero an si lai ah le, India ramsung ah cozah in nunau pawl par ih a zohdan duhlotu pawl in lamzin an zawh rerolai ah pawngsualnak dang thleng lala cun India ram ih nunau pawl nun him lo zia a langter.

Cui pawngsualnak cu, 11.1.2013, Friday ni ah, Punjab ramthen sungah a thleng lala. India ramsung thuthang pawl ih simdan vek asi ah cun, Punjab ramthen sung, sikh khawthianghlim ti ih an kawhmi Amritsar khua ih feh rero nunau kum 29 mi cu, mi 5 pawl cun motor bike thawn an phur ih, hmun le ram nunau nu ih a theihlonak ah an hruaihnu ah an pawngsual asi. Cumi 5 pawl cu, zan ah bus thawn an vak ih, cumi an vahnak ah hi nunau nu hi an hmu. Bus driver le conductor khal an tel ve.

Punjab ramthen sung ih Congress Party hruaitu pakhat asi mi Partap Singh Bajwa cun, “Hivek thil a cangsal mi hi palik pawl ih duty thatlo ruang khal ah asi ve. Ziangahtile, zan ih vak bus ah zo vek an to, khawitawk feh ding ti vek thaten an zoh thatlo ruangah a si. Kan dung naite ah hivek kan ramsung ah a um zo.

Awindra-Pandey-stated-the-Real-Story-of-Delhi-India-Moving-Bus-Gang-Rape-geek-upd0-OP-Ed Tu ah a um lala hi kan ram thuneitu pawl in tuanvo an pekmi pawl ih hnatuannak thaten an zoh that a tul asi” ti in asim. Hitawk pawngsualnak ih rinhlelhmi mi 6 pawl cu palik pawl in an kaihzo thu an sim.

Culai ah, Maharastra ramthen sung khal ah, tuihlan ih mi sualzet pakhat, kan dung kum May thla ih thawnginn ihsin an suahmi pa cun, Nikum December 28 ah khan nauhak kum 9 mi a pawngsual ih a thah ruangah a umnak inn ah kum 32 mi hi kaih asi ti in Press Trust of India cun a puang. Madhya Pradesh ramthen sung khal ah, mi pakhat cun a motor sung ah tlawngta nunau cu a sualpi tum ih, cumi cu palik pawl in an hmuh hnu ah kaih asi.

Zianghman a tuah man hrihlo ih a thu an relsak hnu ah a motor mawnnak licence ( driving licence ) cu an laksak ih, a motor khal palik pawl in an kaihsak thu India Press cun a tarlang. India ramsung ih hivek pawngsualnak a tamtuk ruangah mipi thinhengnak a sosan vivo khal zum a um thu thuthangca pawl cun an tarlang.

Comments

comments

Comments

%d bloggers like this: