India ram, Orissa State Ah Christian Mi 7 Mi That Ih Puhmi Pawl

eWASHINGTON D.C (International Christian Concern) : India ram, Orissa state ah, 2008 ah khan Christian pawl nasatak ih thahnak a rak thleng dah. Cutawk ah mi tamtak in Jesuh Khrih ruangah an nunnak an rak pe ih, in le lo tamtak khal nawhkang a rak si dah. Cumi ih a hrampi bik, Christian pawl an thahnak san bik cu, Hindu nationalist leader, Lazmanananda Saraswati ih thihnak ah, Hindu pawl cun Christian pawl ih thahmi asi ti ih an puh ruangah asi.

Cui an hotu pa thattu ah cun mi 7 an puh ih, tukhal ah an zaten thawnginn sungah an umlai. An zaten nupi fanau nei theh an si ih, ICC cun Advocate Pratap Chhinchani hnen ih thusuhnak an neih nak ah, “Hi tei 7 pawl hi tu ah Phulbani ih district jail ah ret an si lai. An nih ih thahmi asilo ti cu mi tamtak ih theih asi. (A thattu ngaingai hi Maoist pawl an si ti in hi buainak a thawkpek ah khan thuthang hrekkhat ah an rak sim).

India ah hin Hindu pawl an tamtuk ruangah, cozah khal in Christian lamtang ih thilti hi a tih deuh a bang. Ziangtik tiang thawnginn ah an um ding ih an thu relsak asi ding ti tuini tiang theih asi hrihlo” tiin Chhanchani cun ICC ah asim. An kaihmi Christian mi 7 pawl ih hmin khal tarlang asi ih, an hmin cu : Bijay Kumar Sunseth, Gornath Chalanseth, Budhadeb Nayak, Bhaskar Sunamajhi, Durjo Sunamajhi, Munda Badmajhi le Sanatan Badmajhi pawl an si. ICC cun leitlun ih Christian pawl hnen ah thlacamnak neihsak ding in thu a than hai.

Comments

comments

Comments

%d bloggers like this: