India Ram In Tamu Khawpi Electric Meisa Bawm Ding

news-idybk
Sagaing ramtthen Tamu Khawpi cu India ram in electric meisa tha sipehnak a bawm ding tiin Tamu peng Pyituh Hluatdaw palai U Khin Maung Swe cun a sim.

“Ramhnih duhdawt-awknak hrangih pekmi a si ko. Amah lam in Tamu lam hi a tambik ah 5 megawatt(မဂၢါဝပ္) tluk hrawng an pe ding” ti khalin U Khin Maung Swe cun a sim.

Tamu khawpi sung pumpi electric meisa ngah thei dingahcun meisa hri peng 13 zikte sihpeh a ttul ding ti khalin hluatdaw palai cun simfiangnak a nei.

India ram Mo-re khawpi lam in electric meisa an sihpeh, le pek ding caan cekci theihfiang a si hrih lo nan 1 unit ah 3 rupee(50 kyats) ih pe thei ding an timtuah thu khal theih a si.

Atuih dinhmun ah Tamu khawpi ih meisa lam comittee cun 1 unit ah 400 kyats la tahratin nikhat ah 3hrs sung lawmg meisa an pek. Cuih hlei ah private ih hnattuan neitu pawl cun meicet thawnmeisa an pekmi cu 1 unit ah 500 kyats – 700 kyats tiang an lek thu khawsung um pawl hnen in theih a si.

Source ; The Voice

(Visited 210 times, 1 visits today)

Comments

comments

Comments

%d bloggers like this: