India Ram Hril Awk Nak Result

India ram Parliament Lok Sabha seat 545 sungih Lok Sabha Seat 543 hril awknak Result Vote cu tuisun ah siar a siih. Himi Ca ngan lai tiangah Vote siar thluh hrih asilo nan  Vote siar zo mi ih Result theih fiang zo mi ah  Cangress ih kaih hruai mi United india-election-mapProgressive Alliance (UPA) cun Seat a la tambik zo ih  Inida rampi rorel nak Parliament ah UPA in Cozah nak a tuah sal thotho dingih ruah a si.Opposition tumbik Bharatiya Janata party  (BJP) leh a kaihhruai  National Democratic Alliance (NDA) khalin an cahlo thu hi an pawmzo ih  Third Front pawl khalin hril awknak ih an tlinlo thu an pawmzo.

Tui an hril awknak ih Result theih fel zomi ah

UPA    Seat 260

NDA,BJP,  Seat   160

Third Front Seat  60

Independent leh Party tenau dang pawl Seat 21  an siih Himi pawlhi Result theih fiang zo nak dinhmun a si.

Surbung Tlang Thuthang Siarbet

Tik cucan man nei zetih hman tum hram aw

BJP President, Rajnath Singh cun an tlinlo nak san relmawi ding leh puhmawh dingkhal a um cuanglo ih mipi duhnak ih hril awknak Result rung lang cu   an zum nak hnakih an tlak niam thu a sim. CPI (M) hruaitu Prakash Karat khalin Congress pawl an cah nakcu a pawmih CPI (M) leh Left Party pawlcu a hlanih an zum nak hnakih an tlaksiat ruangah an dungtawlh nasa tiah a sim.

Tui India Parliament Lok Sabha 15 nak hril awknak ah hin tui Lok Sabha 14 nak ih Cozahnak tuahtu UPA cun 2004 ih hril awknak hnakin Seat 70 hrawngin an thangso ih. BJP ih kaihhruai NDA cu seat 20 hrawngin an tla niam thungih Thrid Front khal Seat 30 hrawngin an tla niam ve a si. Tui Tum Lok Sabha Seat 543 hril awknak ah hin Polling Station 8,28, 804 ah mipi  Million 71 leh 4,00,000 hrawngin Vote an thla a si.

Tuizan ah hin Congress leh a tuanpi Party dang pawlcun New Delhi ah tawnkhawm awknak neih an tum thu Party General Secretary,  Janardhan Dwivedi cun a puang. Asinan an Candidate minung ziang mawzat  an dinnak Constituence lam ih an um lai ruangah an thle kim dan tikcu remcan danin tawnkhawm awknak hi an nei ding a si.

Dwivedi cun miphun leh sakhua nak thleidan neilo ih UPA Policy thlun thei tucu ziang Party khal an tuanpi theithu a sim ih BJP leh Shiv Sena pawlcu miphun leh Sakhua thleidang Party an si tiah a sim lang cih. Samajwadi Party, Mulayan Singh ih hruaimi pawlcu UPA ih telcia tlukih ruah an si tiah Congress thupuangtu cun a sim, tui tum ih UPA an cah naksan bikcu Rahul Gandhi ih taimak nak leh thilti thei ruangah asi ih Prime Minister ding khal ah a duh thu leh Utter Pradesh ih an cahnak khal Rahul Gandhi ih taimak nak ruangah asi tiah a fakzet

Prime Minister Manmohan Singh cun Lok Sabha 15 nak din sal nak dingah hmaikar tlawngkai ni khat ah UPA Cozah bannak a theh lut zum a siih India rampi dan dinglai ah cun Cozah dinglai UPA bannak hi thaisun ih theh lut ding a sinan thaisun ah Cabinet Meeting an neih ding ruangah thawhtan ah a thehlut zum a si.

UPA hotu  mi tampi in Prime Minister dingih Rahul Gandhi an beisei nakcu Congress Party cun Prime MInister dingah cun Manmohan Singh thotho a si ding tiah an puangbet ih AICC Media Deparment Incharge Janardhan Dwivedi cun  himi thu an cun thudang relsal ding a umlo a tir ihsin tu tiang  Prime Minister dingah cun  Manmohan Singh ruah ringring mi a si a ti.

Himi laiah  Union Minister,  Jyotiraditya Scindia cun  Rahul Gandhi cu Prime Minister dingah a tlingih ram hruaitu dingah micak leh mi ropi a si a ti.  Ram hruaitu dingih an tlin zia cu tuitum hril awknak ih a hna tuan mi ih sin a langfiang a si a ti.

Himi laiah Rahul Gandhi ih nu Congress Party President Sonia Gandhi cun  Prime Minister dingah cun Manmohan Singh thotho a si ding tiah a puangcih ih, Thuthangca latu pawlin Rahul Gandhi hi Minister a si peimaw? ti ih an suhmi cu Sonia Gandhi cun Minister pawl ding thu ah cun Prime Minister Manmohan Singh ih thuthu a si ding tiah a let.

(Visited 50 times, 1 visits today)

Comments

comments

Comments

%d bloggers like this: