India ram ah nitin nauhak (6) hlo

TOI/ New Delhi Feb 19, 2009

India ram ah nitin nauhak (6) an hlo ringring. Tui thla ni 17 sung vialah nauhak 72 an hlo. Cu mi rapthlak na ti le, cu hnak ih rapthlak 2008 January thla ihsin nauhak ziangzat an hloral timi na thei ding.

Ni 414 sung ahcun nauhak 2,503 hnak ih tam an hlo ih a thlangpi thu in nitin nuahak 6 lenglo an hlo theu tin Zonal Integrated Police Network (zipnet.nic.in) cun a sim. Hi 2008 ih hlomi lak ihsin 368 lenglo cu hmuhsuak sal an si. Asinan nitin in nauhak hlo a pung vivo ruangah Child Line (Nauhak zohtu) kan tuah sinsin a tul a si tin Delhi Police Commissioner Y S Dadwal cun a sim.

Hivekih nauhak pawl an hlohnak san bik ih an theihmi cu an nu le pa thenawk ruangah, harsatnak ruangah street boy (lam lak ih vakvai nauhak) le mahte thu ih tlan an si tin an sim. Asinan, nu le pa thenkhat cun an mahte an tlanmi a si lo tin an phuang. Zingzawitu palik pawl cun nauhak ruk hlomi le mah te thi tampi an um thu khal an rel bet.

Nauhak lawng siloin kum tin India ram ih lengtu (tourist) pawl khal 17% rorin an mal thlang. Hivek ih an mal nak san cu misual pawl in tourist then khat pawl an thah ih bak ah hmun dangdang India ram ih bomb nasa taktak ih a puah ruangah a si tin a ram lengtu le thuneitu pawl cun an phuang.

* 2008 sung Delhi vial ah nauhak 2,503 an hlo.

* A tlangpi thu in nitin nauhak 6 an hlo ti a si

* An hlonak thu 115 pawl cu felten palit hnen ah ap an si

* Tui February thla vial ah nauhak hlo 72 an kim zo.

 

Comments

comments

Comments

%d bloggers like this: