India Ralkap Nupi In A Pasal Lu Hmuh Duh

0NEW DELHI : Kan dung naite ih Pakistan le India ramri, Kashmir ramthen sung ih thahawknak thleng mi ah, Pakistan ralkap cun a India ralkap lu an tansak asi ti in India  cozah cun asim. Pakistan  cozah cun cuvek in a ralkap pawl in an tuahlo thu a sim ve.

A thimi India ralkap ih nupi Dharmvati cun, ka pasal lu ka hmuh hlanlo cu ti in tuini tiang rawl a eilo thu The Times of India  thuthang cun a tarlang. Dharmvati cun, “Rinumzet ih ram hrang hnatuantu asi ruangah ralkut ih a thih cu danglam tuk asi lo. Asinan, a nupi kasinak vek in a taksa zaten hmuh ka duh asi.

Tu ah a lu ka hmu hrihlo ih, a lu ka hmu duh ih, kan ram khal in ka pasal hi cawimawinak a pe tlak asi” ti in asim. India cozah le Pakistan cozah hin thureltlangnak neih an tum ih, cumi lai ah, India  ralkap Gen Bikram Singh cun, “Tlunlam thuneitu hnen ihsin thu ka hmuh vek in, Pakistan ralkap pawl ih in kah asi ah cun kan kap man ve ringring asi.  

Cun, Pakistan ralkappawl in kan ralkap Lance Naik Hemraj ih lu in tansak mi khal a rang theibik in in peksal kan duh ngaingai. Tuihlan kum 13 sung ah Pakistan ralkappawl hin kan ralkap mi 4 an lu an tansak zo asi” ti in asim.

Comments

comments

Comments

%d bloggers like this: