India PM In Ramsung Milian Pawl A Kawm

March 28th, 2009
India PM In Ramsung Milian Pawl A Kawm
Leitlun sumpai tlasia Economy tuah thatsal danding relkhawm dingin leitlun ramlian leh ram ropi G-20 ai awhtu pawlcun thlathar ni 2nd ah khin London khawpi ah tawmkhawm awknak an nei dingih. Cumi ih telve dingin India Prime Minister Manmohan Singh khal timtuah awknak a nei. PM Singh hin himi G-20 ih Economy tundin thatsal dandingih felfai tei thuput luh a duhve ruangah Inidia ram milian pawlih ngaihdan leh hmuhdan theifiang dingin  India ramsung milian pawl cu a kokhawmih  thurel tlangnak an nei.
PM Singh leh milian pawl kawm awknak ah hin  Tata Group neitu Ratan Tata,   Aditya Birla Group Chairman Kumar Mangalam Birla,   ICICI President Harsh Pati Singhania, pawlleh Assocham President Sajjan jindal, Goenka Group hotu Sunil kant Munjou leh Bharat Forge ai awh Baba Kalyani pawlkhal an telih Prime Minister hi Planing Commission Deputy Chairman Montek Singh Ahhuwalia leh Cabinet Secretary K M Chandrasekhar pawlin an tawi awm.
Iran In Afghanistan Ram Thu Rel Nakah Tel Ve Tum
NATO palai Martin Erdmann leh European Union ih Iran Palai Ali Asghar Khaji cu Afghainistan ramthu leh thudang pawimawh reltlangin kawm awknak an neiih. A liamcia kum 30 ihsin Iran palai ih NATO palai a kawmsal hmaisa biknak asi. Hi hruaitu mipawimawh pahnih hin thudang pawimawh ihtlunah Afghanistan ramthu hi an rel bikmi asiih. US hoha nakih  hmaikarih Afghanistan ram thurel tlangkhawm nakding Tha Hague khalah Iran palai cun an tel tengteng tumthu a sim.
NATO thupuangtu Appthurai cun  Afghanistan ram thurel nakdingih Iran tel a tumcu thil lungawi umzet asi ih himi hin Iran cu leitlun tukverh ah a daksuakve sal asi ti a langfiangter asi ati. US State Department thupuangtu Gordon Duguid khalin Iran in The Hague tawnkhawm awknakih tel a tumcu lungawi umzet asi a tiih  Afghanistan ramthu relnak ah Iran Cozah lungput leh leitlun ramdangdang lungput theisuak hi thil pawimawhzet a si ati
Pakistan (ISI) Pawlin Taleban Pawl Bawm
US Cozah cun Pakistan  Inter Services Intelligence (ISI) pawlcun Taleban tapungpawl an bawm rero lai ti theih fiangnak a neihthu a sim. US Jiont Chief Of Staff Chairman Admiarl Mike Mullen cun  Pakistan (ISI) pawlin  India leh Afghanistan ramri tluanih um  Taleban Tapung pawlcu an pehzawn ringring laiih (ISI) pawlhin an thilti mihi a zamrang theibikih an bansan a ttul a si ati. Admiral Mike Mullen cun (ISI) pawlhin Al-Qaida pawlkhal an bawm asi tiah a simbet.
US Army Central Command hotu General David Petraues khalin (ISI) cu Tapung bawm ringringtu an si ruangah US hrangah cun rinsan harsazet mi an si a ti.US ralbawi dang pahnih khalin Afghanistan ram thlanglam ih Taleban pawl an um ringring theinak cu Pakistan ralkap pawlin ti le rawl an pek ringring ruangah asiih (ISI) pawlih hnattuan dancu zumnak hnakin a rakthuk zet asi ati. BBC Correspondent in a simnakah Pakistan thilti dancu US Cozah in a theifiang tukzo ruangah US hrangah cun ngaidam theinak lamzin a neimal zet thlangding a ti.
President Barack Obama khalin Al-Qaida pawlin US an hrinhro theunak bik cu Pakistan ramsungih sin a suaktam bikih cu ruangah Pakistan Cozah in a ramsungih misual leh Tapung pawlcu  do cimit dingin a nawrbet. Himi laiah US Cozah in theihtawp suahih a hawlmi a kaih suakthei hrihlo mi Osama Bin Leden leh a mi rinsan zetmi Ayman Al- Zawarihi cu Pakistan ah an relh ti an theihthu US cun a sim. Himi tei pahnih hin US siatsuah danding lamzin an tawlrel rero laiih cu ruangah an thilti mi hlawhsam dingin US cun timtuah awknak nasazet a neih a tul tiah Obama cun a simbet. Osama Bin Leden hi a umnak hmun theih fiang a harzetih CIA pawlkhalin theitawp suahih an hawih an zinzawi rero hnu khalah a umnak hmunhi zum hmang aibak cun a relthei hrilo ih  US cozah khalin hawlsuah leh kaihsuah a har an tithu hi an phalo

Comments

comments

Comments

%d bloggers like this: