India Nu’n A fapa Sii Leinak Hrangah Zuar

India nu cun a si leinak ding hrangih paisa a daihawk lonak ruangah a fapa cu India rupees 6000 in a zuar.

Rajitha, 20 mi te hin a fapa zarhkhat mi te cu zato ih a umnak a si man Rs. 2000 a pek thei lo ruangah Rickshaw mawngtu pakhat hnenah Rs. 6000 in a zuar ti’ NDTV cun a puang.

Palik pawl ih a thuhla zingzoinak an tuah ih, Rajitha hin a pasal in a tlansan thu le a hrangih naute zoh pitlin ding a har thu a sim. Palik pawl in hi a umnak zato tlun ih hremnak lak an tum thu le hi thu cu rorelnak court ih fehpi a si ding thu an sim.

Nau te lei hi thil sual, dan kalh a si ti khal cun an sim bet. Vantlang hruaitu upa pawl khal in naute le a nu hmun khat ih um tlang ding an duhsak thu an sim ve ih Rajitha ih a zoh thei lo hmanah acozah ih tuah mi hngaktah umnak ih ret a theih thu khal cu an sim.

– AFP

Comments

comments

Tags:

Comments

%d bloggers like this: