India Leh Pakistan Karlak Thubuai Vivo

wagah-border-Pakistan-aISLAMABAD : India cozah cun, an ralkap 2 Pakistan pawl in an kapthat asi ti ih na puhnak par ah an lungawilo thu an sim. India cozah cun, tuizarh Tlawngkai Nihnih (8.1.2013) ih thahawknak ummi ruangah Pakistan high commissioner cu ko in thusuhnak khal an nei.

India ralkap pawl hin 6.1.2013 Sunday ni ah khan, Pakistan ralkap 1 an kap that ih, midang 1 cun hliamhma a pu ti ih an puhnak duhlo ruangah ralkap 2 pawl an thahnak asi ti in Pakistan cozah an demnnak thu an sim. Culai ah, Paskintan Foreign Minister, Hina Rabhani Khar cun Islamabad ah TV pakhat cun tuitum thil thleng thuthawn pehpar in thusuhnak a nei ih, “ India cozah in in puhnak hi kan hawl rero nan kannih cun kan hmulo.

Kan ralkap pawl khal in India ralkap an thatlo ih, lehrulhnak ih that ti ih in puhnak khal hi, kannih lehrulh duhmi kan silo. 2003 kum ah remdaihnak kan rak tuahzo ih, cui remdaihnak kan tuahmi cu Pakistan cozah hin a kilkhawi tha zet in ka thei. Cun 2011 khal ah remdaihnak thureltlangnak kan nei sal. Hivek ih puhawknak hi thudik asi lo ruangah, United Nations Military Observers pawl in an zohfiah kan duh ngaingai asi.

Kan ram 2 hi cun kan puh aw rero men ding asi ruangah, kan karlak ah UN ralkap lam zohfiahtu pawl hin in zohfiah cu kan duh ngaingai asi” ti in asim. Ram cuhaw ih an buai ringring nak Kashmir ramthen sung ih Line of Control ah cun, kahawk man cia thepthep in khatlam veve ih an ralkap pawl an um thlang.

(Visited 42 times, 1 visits today)

Comments

comments

Comments

%d bloggers like this: